Industry (Texas)

Us der alemannische Wikipedia, der freie Dialäkt-Enzyklopedy
Industry
s’ Industry City Hall (s’ Rothüss)
s’ Industry City Hall (s’ Rothüss)
Làg ìm Austin County (lìnks) un ìm Texas (rachts)
Basisdate
Staat: USA
Bundesstaat: Texas
County:

Austin County

Koordinate: 29° 58′ N, 96° 30′ WKoordinate: 29° 58′ N, 96° 30′ W
Zitzone: Central Standard Time (UTC−6)
Iiwohner: 313 (Stand: 2015)
Bevölkerigsdichti: 115,9 Iiwohner je km²
Flechi: 2,8 km² (ca. 1 mi²)
davon 2,7 km² (ca. 1 mi²) Land
Höchi: 95 m
Poschtleitzahl: 78944
Vorwahl: +1 979
FIPS:

48-35984

GNIS-ID: 1360006
Website: www.industry-tx.com
Bürgermeister: Mable Meyers
Dialäkt: Mìlhüüserdiitsch

Industry ìsch a kleina Schtàdt ìm Austin County ìm Bundesschtààt Texas ìn da Verainigta Schtààta. Sa ìsch bekànnt gsìì àls d’ ärschta dürhàftiga ditscha Àsidlung ìm Texas: dr Friedrich Ernst, dr Grìnder vun Industry, ìsch doo ìm Johr 1831 ààkumma. Ànna 2015 hàt d’ Schtàdt 313 Iiwohner ghàà.

d’ geogràfischa Làg[ändere | Quälltäxt bearbeite]

Industry befìndet sìch àn dr Kritzung vu dr SH 159, wo vum Wäschta bis zum Oschta geht, un dr FM 109, wo vum Norda bis zum Süda geht. D’ Schtàdt Belleville, dr Sìtz vum Austin County, lìgt 25,1 km (15,6 mi) àm Oscht-Südoschta àn dr SH 159. Fayetteville lìgt 20,3 km (12,6 mi) àm Wäscht-Südwäschta àn dr gliicha Strooss. New Ulm lìgt 9,3 km (5,8 mi) südlich àn dr FM 109. Wänn ma 21,4 km (13,3 mi) fàhrt uf dr Norda un dr Nordoschta uf dr FM 109, kummt ma àà àn d’ Texas State Highway 36 uf Brenham.

Noh-n-em Àmerikànischa Zänsüsbüro hàt Industry a Gsàmtflächa vu 2,80 km² (odd’r 1,08 mi²), dervu ìsch 0,04 km² (odd’r 0,015 mi²) Wàsser, so zu sàga 1,33%.[1]

d’ Gschìcht[ändere | Quälltäxt bearbeite]

Àm 16. Àwril 1831 hàt d’ mexikànischa Regiarung ìm Sidler Johann Friedrich Ernst a Làndschteck gaa. Dr Ernst hàt üs Varel gschtàmmt, ìm Härzogatum Oldenburg ìm Norda vu Ditschlànd. Ar hàt àlso mìt sinera Fàmìlia un mit em Charles Fordtran doo gwàndelt. Wagadam hàt ma dr Ort „Ernst’s Place“ bnännt. Doo hàt dr Ernst a Hotel glaita, àlso hàt dr Ort vìel Tourischta un Iiwànderer ààgzoga. Ànna 1832 hàt dr Ernst a Briaf gschrìewa, fìr s’ Texas z’ loowa. Dàs Briaf hàt ma ìn’ra ditscha Zittung druckt. Wagadam han vìel Ditscher bschlossa, ìns Texas üssz’wàndra. Àm And vu da Johra 1830 sìn mehrera Hunderta vu Ditscher gsìì ìn dr Region vum hittiga Industry. D’ Schtàdt ìsch jedoch offiziell numma ìm Johr 1838 grìnda worra. Noh dr Unàbhangigkait vum Mexiko hàt doo d’ Republik Texas a Poschtàmt gäffnet, wo dr Ernst glaita hàt. D’ ärschta Schüal hàt ma àm Ààfàng vu da Johra 1840 gäffnet. Schpeeter sìn d’ Iiwohner vu Industry àktiv gsìì ìn dr Bewegung fìr d’ fräia Schüala. Ànna 1842 han äbb 30 Iiwohner a ditsch Bìldungszäntrum wälla grìnda, àwer ärfolgloos.

Àb 1839 hàt dr Ernst si Làndschteck iitailt, fìr d’ Làndtaila ìn àndra Sidler z’ verkàuifa. Dr Ernst hàt àui Tubak gpflàntzt un Zigàrra härgschtällt, wo ma verkàuift hàt ìn da Schtadt wia San Felipe, Houston odd’r Galveston. Wagadam hàt ma d’ Schtàdt „Industry“ bnännt. Vu da Johra 1850 àà bis ìn da Johra 1950 hàt ma vor àllem z’ Industry Bàuimwulla gpflàntzt. D’ ärschta Üsskärnungsmàschìna fìr d’ Bàuimwulla z’ Industry hàt ma 1857 bàuia. Dàs hàt gebìldete ditscha Àrwaiter ààgzooga. Wagadam hàt ma ìn dara Zitt Industry betràchta àls a täcknologisch Zäntrum fìr hochgebìldete Fàchàrwaiter ìm Texas. Ìn da 1890 sìn z’ Industry zwelf Üsskärnungsmàschìna gsìì. Zwìscha 1850 un 1890 sìn noch vìel Ditscher, Tschechier un Àfroàmerikàner uf Industry ààkumma. D’ Bevelkerung hàt ufgnumma bis ìn da Johra 1920. Zitter em And vu da Johra 1920 hàt dr Iiwohnerzàhl àbgnumma: ànna 1985 sìn numma äbb 600 Iiwohner gsìì, ànna 1990 noch numma 475, un zitter da Johra 2000 gìtt’s doo äbb 300 Litt. Noh da Johra 1950 ìsch s’ Vehzucht d’ wìchtigschta Wìrtschàftssektor gsìì z’ Industry. Hìttz’tàgs gìtt’s z’ Industry fàscht kä Bàuimwulla meh.

Ànna 1972 hàt s’ Lion’s Club dr Ernst Memorial Park grìnda wäschtlich vu dr Schtàdt. S’ Verain hàt àui s’ ehamààlig Poschtàmt räschtoriart.

Ànna 2007 hàt s’ Pàrlamant vum Texas d’ Schtàdt Industry offiziell ärkannt àls „d’ ältschta ditscha Àsidlung“ ìm Bundessschtààt.[2]

d’ Bevelkerung[ändere | Quälltäxt bearbeite]

àn dr Volkszehlung vu 2010[ändere | Quälltäxt bearbeite]

Àn dr Volkszehlung vu 2010[3] hàt d’ Schtàdt Industry 304 Iiwohner ghàà. Dervu sìn 67,43% Wissa gsìì, 20,72% sìn Àfroàmerikàner gsìì, 9,87% sìn vu zwai odd’r meh Schtamma gsìì, un 1,97% vun àndra Schtamma. 20,07% vu da Iiwohner sìn Hispànoàmerikàner gsìì. 25,66% vu da Bewohner sìn jenger às 18 Johra gsìì, 57,57% sìn zwìscha 18 un 64 Johra àlt gsìì, un 16,78% sìn älter às 65 Johra gsìì. 51,28% vu da Iiwohner sìn verhirota gsìì.

Politisch sìn z’ Industry 74,36% vu da Iiwohner „wohrschinlig repüblikànisch“ gsìì, 17,95 „wohrschinlig demokràtisch“ un 7,69% „wohrschinlig unàbhangig“.

àn dr Volkszehlung vu 2000[ändere | Quälltäxt bearbeite]

Àn dr Volkszehlung vu 2000, hàt Industry 304 Iiwohner zählt, wo ìn 142 Hüsshàlta un 84 Fàmìlia vertailt gsìì sìn, mìt’ma Bevelkerungsdìcht vu 112,9 je km². 69,41% vu da Iiwohner sìn Wissa gsìì, 19,74% sìn Àfroàmerikàner gsìì, 9,21% sìn üs àndra Schtamma gsìì, 1,64% üs zwai odd’r meh Schtamma. 10,53% sin Hispànoàmerikàner gsìì.

32,8% vu da Hüsshàlta han Kinder ghàà, wo jenger às 18 Johra gsìì sìn; 56,3% sin Ehepààra, wo zamma glabt han; 29,4% sìn kä Fàmìlia gsìì. 26,9% vu da Hüshàlta sìn Ainzelpärsona gsìì, un 16,0% sin Ainzelpärsona gsìì älter às 65 Johra. Im Durschschnìtt hàt’s ìn da Hüsshàlta 2,55 Iiwohner gaa, gega 3,11 ìm Durschnìtt fìr d’ Fàmìlia.

26,0% vu da Iiwohner sin jinger às 18 Johra gsii, 9,5% zwìscha 18 un 24 Johra àlt, 23,7% zwìscha 25 un 44 Johra, 24,0% zwìscha 45 un 64 Johra, un 16,8% sìn älter às 65 Johra gsìì. Dr Mediànàlter ìsch 38 Johra gsìì.

S’ Mediànikumma vu da Hüsshàlta ìsch 30,625$ gsìì, wahrend s’ Mediànikumma vu da Famìlia ìsch 38,750$ gsìì. Bi da Manner ìsch s’ jahrliga Mediànikumma $25,500 gsìì, gega $23,542 fìr d’ Fràuija. S’ Iikumma pro Kopf z’ Industry ìsch um 13,294$ gsìì. Äbb 15,8% vu da Fàmìlia un 22,4% vu da Iiwohner sìn unter d’ Àrmüatsgranza gsìì. Unter dia Granza sìn àui 31,6% vu da Iwohner jenger àls 18 Johra gsìì, wia àui 28,6% vu da Iwohner älter às 65 Johra.

d’ Kültürärbschàft[ändere | Quälltäxt bearbeite]

Z’ Industry gìtt’s mehera Park un Müsee. Àn dr Main Street lìgt dr Industry Recreation Park, àn dr Schtälla, wu ma d’ ärschta Üsskärnungsmàschìna fìr d’ Bàuimwulla bàuia hàt. Àn dr gliicha Schtrooss fìndet ma s’ Gin Museum, s’ Lindemann Store Museum (wo ànna 1984 a Hischtorischa Märkzaicha vum Bundesschtààt Texas bikumma hàt), un s’ Lindemann-Ott Museum, wo ànna 1870 bàuia worra ìsch un zitter 2010 a gschìtzt Texas-Dankmol ìsch. Àn dr Schroeder Road lìgt dr Ernst Memorial Park, wu dr Johann Friedrich Ernst un si Suhn beardigt sìn.[4]

Züadam ìsch wäschtlich vun Industry dr Fisches Park, wo 1,62 Häktàr (odd’r 4 acres) grooss ìsch. Ar ìsch ànna 1939 grìnda worra. Doo schteht zitter ànna 1976 a Hischtorisch Märkzaicha vum Bundesschtààt Texas zu Ärìnnerung àn dr Charles Fordtran.

Dr’züa ìsch s’ Welcome Hall, a ehamààliga Konzärthàlla, wu dr ditschschprachiga „Mannerchor“ bis ìm 20. Johrhundert gsunga hàt. Dàs Gebäi ìsch jetz a Mehrzwackhàlla.

Z’ Industry sìn mehera Kìrcha. D’ reemisch-kàtholisch Kìrich vum Unbeflackta Ämpfangniss (Immaculate Conception Church) hàt ma ànna 1875 bàuia,[5] wahrend d’ proteschtànta Brethren-Kìrich (Industry Brethren Church) üs da 1870. Johra schtàmmt.[6] D’ methodischta Kìrch[7] ìsch ànna 1867 grìnda worra un hàt ànna 1967 a Hischtorischa Märkzaicha bikumma. Dr’züa ìsch noch a methodischta Kàpall, d’ Cherry Chapel United Methodist Church.[8]

d’ berìahmta Litt[ändere | Quälltäxt bearbeite]

D’ folgenda Litt schtàmma üss Industry odd’r han doo glabt:

Lüag àui[ändere | Quälltäxt bearbeite]

Literàtür[ändere | Quälltäxt bearbeite]

Weblinks[ändere | Quälltäxt bearbeite]

 Commons: Industry (Texas) – Sammlig vo Multimediadateie

Ainzelnohwiisa[ändere | Quälltäxt bearbeite]

  1. Industry city, Texas. In: American FactFinder. United States Census Buro, archiviert vom Original; abgruefen am 30. April 2021 (änglisch).
  2. Bill: HCR 6 - Legislative Session: 80(R). Texas Legislature, abgruefen am 1. Mai 2021 (änglisch).
  3. Industry, Texas Population: Census 2010 and 2000 Interactive Map, Demographics, Statistics, Quick Facts. In: CensusViewer. Abgruefen am 30. April 2021 (änglisch).
  4. Friedrich Ernst Memorial Park ìn dr Dàtabànk vu Find A Grave (anglisch, abgeruefen am 1. Mai 2021)
  5. Church of the Immaculate Conception - Industry, Texas, USA. In: GCatholic.org. Abgruefen am 1. Mai 2021 (änglisch).
  6. About Us. Industry Brethren Church, abgruefen am 1. Mai 2021 (änglisch).
  7. Industry United Methodist Church. In: Find A Church. Evànggelisch-methodischta Kìrich, abgruefen am 20. Mai 2021 (änglisch).
  8. Cherry Chapel United Methodist Church. In: Find A Church. Evànggelisch-methodischta Kìrich, abgruefen am 1. Mai 2021 (änglisch).