Ibn Tibbon

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Ibn Tibbon (au d Tibbonide) isch dr Naame von ere jüüdische Familie, wo im Middelalter meereri Autore und Übersetzer us em Arabische ins Hebräisch drzueghöört häi:

  • Jehuda ibn Tibbon (1120 — 1190), Übersetzer (Biinaame dr Vater vo de Übersetzer), dr Stammvater vo dr Familie Ibn Tibbon: Z Granada uf d Wält cho, het er Spanie 1150 verloo, woorschinlig wäge de Juudeverfolgige vo de Almohade und isch uf Lunel in Südfrankriich gange. Dr Benjamin vo Tudela erwäänt, ass er 1160 dört Mediziner gsi isch. Er isch öbbe 1190 z Marseille gstorbe.
  • Samuel ibn Tibbon (1160 z Lunel — 1230 z Marseilles), Autor und Übersetzer, Soon vom Jehuda ibn Tibbon. Er isch e jüüdische Filosoof und Arzt gsi und en Aahänger vom Maimonides und däm sinere Interpretazioon vo dr Bible. Bekannt isch er für sini Übersetzige vo rabbinischer Litratuur us em Arabische uf Hebräisch und für sine Übersetzige vo und Schrifte über d Filosofii vom Maimonides.
  • Moses ibn Tibbon (öbbe 1200 z Marseilles — öbbe 1283), Übersetzer, Autor und Arzt, Soon vom Samuel ibn Tibbon.
  • Judah ben Moses ibn Tibbon, Rabbiner z Montpellier, wo in dr Kontrowärse über e Maimonides und sini Leere dört uusegstande isch. Vo sine Wärk isch käis me erhalte.
  • Jakob ibn Tibbon (1236—1307), Autor, Übersetzer und Astronom, Änkel vom Samuel ibn Tibbon. In dr Kontrowärse zwüsche de Maimoniste und iire Gegner, het er s wüsseschaftlige Dänke gegen e Abba Mari und sini Aagänger verdäidigt.
Information icon.svg Dä Artikel basiert uff ere fräie Übersetzig vum Artikel „Ibn_Tibbon“ vu de änglische Wikipedia.

E Liste vu de Autore un Versione isch do z finde.