Huwil

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Huwil isch es Doorff i dr Gmeind Römerswil im Kanton Luzärn.

es Bildli vo der alte Burg Huwil uff ere historische Chaarte

Es lyt zwöi Kilometer weschtlich vom Bezirkshauptort Hooftere und i der Middi zwüsche Hooftere und em Doorff Römerswil. Bi Huwil laufft der Sagibach vom Bärghang a dr Erloose is Tal vom Ronbach use.

Der Ortsname vo der Sidlig chunt scho anne 1101 im ene historische Dokumänt vor, er heisst döört Hueneweilare.

Im Mittelalter isch es e chlyni Herrschaft vo de Ritter vo Huwil gsi; uf alte Chaarte gseht me no dene iiri früeneri Burg.

Bi Huwil isch e grossi Lättgruebe, wo d Ziegelei Hooftere früener dr Lätt für iiri Bachschtei und Ziegel isch go hole. Sid d Ziegelei anne 2013 ufghöört het mit Brönne bruucht si die Gruebe als Depony für alts Material.[1]

Vo Huwil chunt dr wyt verbreitet Familiename vo de Huwyler.

Fuessnoote[ändere | Quälltäxt bearbeite]

  1. Geschichte & Tätigkeiten uf diamantkopf.ch abgruefen am 27. Jänner 2020