Huahine

Huahine
	NASA-Ufnaam vo Huahine NASA-Ufnaam vo Huahine
Gwässer	Pazifische Ozean
Archipel	Gsellschaftsinsle
Geografischi Laag	16° 45′ S, 151° 0′ WKoordinate: 16° 45′ S, 151° 0′ W
	Huahine (Gesellschaftsinseln) Huahine
	Huahine (Gesellschaftsinseln) Huahine
Zaal vo de Insle	ca. 10
Hauptinsle	Huahine Nui
Landflechi	74 km²
Höggsti Erhebig	Mont Turi; 669 m
Iiwooner	5999 (2007)
	Topografischi Charte vo Huahine Topografischi Charte vo Huahine

Huahine isch en Atoll im Pazifische Ozean und ghört zu de Gsellschaftsinsle, eim vo de fümf Archipel vo Franzöösisch_Polynesie. Es isch s östligste Atoll vo dr Grubbe vo de Insle under em Wind (franzöösisch Îles-sous-le-Vent).

Geografii

Huahine lit öbbe 175 Kilometer nordwestlig vo Tahiti, wo die grösst Insle vo Franzöösisch-Polynesie isch, und öbbe 50 km östlig vo Raiatea. S Atoll bestoot vor allem us zwäi zentrale Vulkaninsle, wo nume dur e seer schmaale und säichte Kanal vonenander drennt si: Die gröösseri häisst Huahine Nui und die chliineri Huahine Iti. Die Landflechi vo de Insle isch öbbe 74 km². Die höggsti Erheebig uf Huahine Iti isch 460 m über em Meer, uf Huhine Nui isch s dr Mont Turi, wo 669 Meter hooch isch.

Gschicht

Die franzöösischi Kolonialmacht het d Insle über em Wind mit Tahiti in de 1880er Joor übernoo, d Insle under em Wind erst im Joorzäänt druf. S Köönigriich vo Huahine und Maia'o, wo bis denn unabhängig gsi isch, isch erst 1895 annektiert und Däil vom hütige Franzöösisch-Polynesie worde.

D Bevölkerig

Huahine het 5'999 Iiwooner (Stand: August 2007)^[1] und isch e Gmäind (frz. commune) in de Gsellschaftsinsle. Dr Hauptort vo dr Gmäind und dr grösst Ort uf dr Insle isch Fare an dr Nordküste vo Huahine Nui. Dört in dr Nööchi isch dr Flughaafe Huahine-Fare.

Wirtschaft

D Insulaner bedriibe Ackerbau und Fischfang. Zu de landwirtschaftlige Brodukt ghööre Vanille, verschiideni Melonesorten und Kopra.

Dr Turismus isch isch au e bed[tende Wirtschaftszwiig.

Weblingg

Commons: Huahine – Sammlig vo Multimediadateie

Huahine uf dr offizielle Website vo Tahiti Tourisme

Fuessnoote

↑ Institut Statistique de Polynésie Française (ISPF) - Recensement de la population 2007 Archivlink (Memento vom 3. Dezämber 2007 im Internet Archive) (PDF, franz.)

Dä Artikel basiert uff ere fräie Übersetzig vum Artikel „Huahine“ vu de dütsche Wikipedia. E Liste vu de Autore un Versione isch do z finde.

[1] Institut Statistique de Polynésie Française (ISPF) - Recensement de la population 2007 Archivlink (Memento vom 3. Dezämber 2007 im Internet Archive) (PDF, franz.)

[1]