Hohner-Konservatorium

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Schwäbisch

S Hohner-Konservadorium z Trossenga[1] ischt a Hochschuel fir a musikalischs Studiom mit em Sitz en dr Hohnerstrôß 4/1. Dr Schwerpunkt leit em Bereich Akkordeon. Dui Eirichdong hôt d Form vo ra Gsellschaft mit beschrenkder Hafdong (GmbH). D Gsellschafder send d Firma Hohner Musikinstrumente GmbH & Co. KG, d Stadt Trossenga ond dr Landkreis Tuddlenga.[2] Vo de Musikhochschuela en Deitschland ischt s Hohner-Konservadorium oina vo de jengere; grendet wôrra isch se nemlich erscht vôr rond ama dreivirdl Jôhrhondert.

Ausbildongsgeng[ändere | Quälltäxt bearbeite]

  • Vorsemeschder zor Vorbereidong uff d Aufnahmepriafong
  • Elektronische Taschdainschdrument, zom Beischbiil Keyboard ond Synthesizer
  • Elementare Musikpädagogik
  • Ausbildong vo Solischda – dô drfir kommet bloß ganz Hochbegabde en Frôg
  • Leidong vo-ma Akkordeon-Orkeschder
  • Ausbildongsgang Mundharmonika
  • Akkordeon-Jazz ond Popularmusik
  • Musikbearbeidong

Mr braucht mendeschdens a Studiom vo sechs Semeschder, om an Abschluss vo-ma staatlich priafda Musikpädagoga macha zo kenna.

Hauptfach-Dozenda[ändere | Quälltäxt bearbeite]

Am Hohner-Konservadorium lehret 21 hauptamtliche Manna ond Fraua. Zuasätzlich geits noh – wia des bei jedra Hochschuel dr Fall ischt – a ganza Roihe vo Gaschtdozenda. Dr bekanndeschde vo de selle ischt viile Jôhr lang dr Hubert Deuringer gwäa.

Litradur[ändere | Quälltäxt bearbeite]

  • Wolfgang Eschenbacher: Das Hohner-Konservatorium Trossingen. Die Geschichte einer besonderen Ausbildungsstätte für Musiklehrer. Springer Verlag 2000, ISBN 978-3-9802675-2-6[3]

Weblink[ändere | Quälltäxt bearbeite]

Fuaßnoda ond oinzlne Nôchweis[ändere | Quälltäxt bearbeite]

  1. Et zo vorwechsla mit dr Hochschuel für Musik z Trossenga, wos au noh geit!
  2. Über uns uff hohner-konservatorium.de abgruefen am 12. März 2019
  3. Geschichte und Location uff hohner-konservatorium.de abgruefen am 13. November 2015