Hoochschuel fir aagwändti Wisseschafte Kempte
| Hoochschuel fir aagwändti Wisseschafte Kempte | |
|---|---|
| |
| Gründig | 1977 |
| Drägerschaft | staatli |
| Ort | Kempte |
| Bundesland | Vorlage:Bayern |
| Land |  Dytschland
|
| Bresidänt | Wolfgang Hauke |
| Studänt*ene | ca. 5.500 WS 2022/2023[1] |
| Mitarbeiter*ne | ca. 776 (dodevu ca. 149 Brofässer*ne, ca. 280 Lehrbeufdraiti, ca. 347 Mitarbaiter*ne in dr Verwaltig) |
| Netzwärch | IBH |
| Website | www.hs-kempten.de |
.jpg)
.jpg)
D Hoochschuel fir aagwändti Wisseschafte Kempte (dt. Hochschule für angewandte Wissenschaften Kempten, chuurz HS Kempten, ängl. University of Applied Sciences Kempten)[2] isch e Fachhoochschuel z Kempte im Allgai. Dr bairisch Landdaag het si am 27. Juuni 1977 per Gsetz grindet. Offiziäll ufgmacht wooren isch si am 4. Oktoober 1978.[3] D Hoochschuel Kempte isch di zäntraal Yyriichtig vum Allgai fir di akadeemisch Lehr, d Wyterbildig un dr Tächnology- un Wissetransfer. D Hoochschuel soll e praxisorientierti, innovatiivi Uusbildig vu Fach- un Fierigchreft biete. Di maischte Hoochschuelgebei sin uf em Campus in dr Bahnhoofstrooß. S Auditorium maximum bietet Blatz fir rund 350 Lyt.
D Bildigsyyriichtig gheert zue dr greeschte Fachhoochschuele z Bayern.
Gschiicht
[ändere | Quälltäxt bearbeite]Anne 1969 het si d Stadt Kempte mit Verdrätter*ne vu dr lokaale Wiirtschaft Miei gee um d Grindig vun ere Alpenuniversiteet un ab 1972 um e Fachhoochschuel. Anne 1975 het dr Bayerisch Minischterroot e Fachhoochschuel z Kempte bschlosse. Zwai Johr druf het dr Bayerisch Landdaag e Gsetz fir d Yyriichtig vu dr Fachhoochschuel z Kempte verabschiidet; Zyyl sin doodmool 1000 Studänte*ne gsii.
Am 2. Oktober 1978 het s eerscht Semeschter im Stuudiegang Bedriibswiirtschaft in aagmietete Gebei an dr Bahnhoofstrooß aagfange. D Fyyr, ass d Hoochschuel ufgmacht wooren isch, isch im Fiirschtesaal vu dr Fiischtäbtlige Residänz am 4. Oktober 1978 mit em dr bayerisch Kultusminischter Hans Maier gsii. Dr Hanns Ott het am 1. Februar 1978 sy Amt as Grindigsbresidänt aadrätte.[4]
Anne 1980 het dr Freistaat Bayern e rund 42.000 m² grooß Grundstuck an dr Bahnhoofstrooß gchauft, wu vorhäär d Bauunternäämig Alfred Kunz gsii isch. D Hoochschuellaitig un d Verwaltig sin im nämlige Joor provisoorisch in e Gebei an dr Immenstädter Strooß yyzooge. Zum Realisiere vu eerschte Schuelgebei isch e Wettbewäärb uusglobt woore, wu s Architäktuurbiro Heid/Thumann/Frese vu Fürth dr eerscht Blatz gwunne het.
Dr Stuudiegang Maschiineböu isch anne 1982 yygfiert woore, im nämlige Joor hän di eerschte Absolwänte*ne dr Lehrgang Bedriibswiirtschaft verloo. Us Blatzmangel het d Fachhoochschuel 1983 no anderi Ryym im 4P-Huus an dr Kroonestrooß in dr Altstadt gmietet. Anne 1984 hän Studänte*ne fir e aigeni Mensa demoschtriert, 198 het s Studänte*ne-Wäärch e Mensa ufgmacht.
Anne 1986 isch d Maschiinehalle fir d Fachhoochschuel yygriichtet woore. Anne 1989 sin Heersaal- un Laboorgebei Tächnik fertiggstellt woore. Anne 1990 het mer s Heersaalgebei Wiirtschaft aafange böue. 1992 isch d Zahl vu Studänte*ne vu 1000 uf 1450 aagstiige. D Uusbildigsriichtig Wiirtschaft isch doo in ire nei Domiziil zooge. D Bibliotheek un d Mensa sin 1994 in e nei Gebei zooge. 1995 ist die FH Kempten neben der FH Rosenheim eine Modellhochschule geworden.
Ab 1996 sin neii Stuudieriichtige un Fakulteete an dr FH Kempte chuu. Wel s allmee Studänte*ne gee het, het mer au greeßeri Lehrgebei bruucht. Anne 1997 isch e Erwyterigsböu fir d Fachriichtig Wiirtschaft in Bedriib gnuu woore, 1998 isch nomol e Grundstuck in dr Nechi vum Campus gchauft woore. Dr Stuudiekuurs Informatik isch anne 2000 yygfiert woore. Im Johr druf het dr Stuudiegang Eläktro- un Informazioonstächnik dr bishäärig Stuudiegang Eläktrotächnik abgleest.
Im Johr 2003 isch d Fachriichtig Soziaalwiirtschaft yygfiert woore. Dr IV. Böuabschnitt mit Verwaltigsryym un Audimax fir 350 Lyt isch 2004 in Bedriib gnuu woore.
Syt em 30. Meerz 2007 haißt d FH „Hochschule für angewandte Wissenschaften“ (University of Applied Sciences). D Stuudiegäng BWL, Turismus un Informaatik sin im nämlige Johr uf dr Bachelor-Abschluss umgstellt woore, im Rame vum bayerische Hoochschueluusböu isch fir Kempte ne Uusböu vu 1254 neie Stuudieblätz zuegsiicheret woore. Dr V. Böuabschnitt isch chuurzi Zyt druf uf em 1998 gchaufte Grundstuck chuu.
Anne 2008 sin d Stuudiegäng Energy- un Umwälttächnik un au Wiirtschaftsinformaatik yygfiert woore.
Syt 2009 bedrybt d Hoochschuel Kempte zäme mit dr Hoochschuele Nei-Ulm un Augschburg s Hoochschuelzäntrum Vöhlinschloss z Illertisse. Di drei Hoochschuele bruuche s Daagigs- un Kungrässzäntrum fir Seminaar, Fuurtbildige, Kumferänze un fir Exischtänzgrindigberootig.
Anne 2010 isch em Bibliotheeks- un Mensaböu e nei Gebei aagsclosse woore. In däm Johr sin au di drei neie Masterstuudiegäng (Electrical Engineering, Global Business Development und Logistik) un zwee neii Stuudiegäng (Lääbesmittel- un Verpackuigstächnology un Mechatroonik) yygfiert woore.
Am 1. Meerz 2011 sich s nei Campusgebei Dänkfabrik (e gmietet Gebei) dr Hoochschuelverwaltig ibergee woore. Am 5. Juuli 2011 isch dr V. Böuabschnitt yygweit woore.[5]
Im Johr 2011 isch d Fakulteet Tourismus as aigeständigi Fakulteet us dr Fakulteet Bedriibswiirtschaft uusgrindet woore. Si het ire Sitzt syterhär im A-Gebei „Dänkfabrik“. Syt 2018 haißt d Fakuleet Tourismus-Management.
Fachberaich un Fakulteete
[ändere | Quälltäxt bearbeite]An dr Hoochschuel Kempte zahlt mer pro Semeschter 92 Euro Semeschterbyydraag, fir s Semeschterticket all Semeschter no zuesätzli 30 Euro.
S het die Fakulteete:
- Bedriibswiirtschaft
- Eläktrotächnik
- Informaatik
- Maschiineböu
- Soziaals un Gsundhait
- Turismus-Management
- Wyterbildig (Professional School of Business & Technology)
Verbund un Paartnerschafte
[ändere | Quälltäxt bearbeite]D Hoochschuel gheert zum Verbund Internazionaali Boodesee-Hoochschuel. Si isch au Dailnämeri vum Brojäkt Paartnerhoochschuel vum Spitzespoort, wu si Spitzenathlete*ne unterstitzt, wu glyychzytig e spoortligi Karrieere un e akadeemischi Uusbildig verfolge.
Bi rund 80 Paartnerhoochschuele im Uusland chenne d Studänte*ne vu ainzlene Fächer bis zur Doppeldiplomierig unterschiidligi Ufenthal im Uusland yyblaane.
Foorschigszäntrum Allgai
[ändere | Quälltäxt bearbeite]S Foorschigszätrum Allgai (Forschungszentrum Allgäu, chuurz FZA) koordiniert d Foorschig vu dr Hoochschuel un het bsunderi Schwäärpinkt in dr Beraich Energy, Mobiliteet, Produkzioon un Soziaali Innowazioone [6]. Im Foorschigszäntrum bindlet schaffe zurzyt 15 Foorschigsinschtitut un Wisse- un Tächnologytransfer Zäntre. D Tächnologytransfer Zäntre (chuurz TTZ) un Wissetransfer Zäntre (chuurz WTZ) schaffe an verschiidene Standort vu dr Regioon, go aasässigi Unternäme mit aawändigsoriäntierter Foorschig unterstitze[7].
Unter em Dach vum Foorschigszäntrum Allgai foorsche die Inschtitut [8]:
- BZPD – Bayerisch Zäntrum Bflääg Digitaal
- ECC-ProBell – Europäisch Kumpetänzzäntrum fir Glogge
- EPT – Inschtitut fir Effiziänti Brodukzioonstächnik
- IDT – Inschtitut fir digitaali Transformazioon in Aarbet, Bildig un Gsellschaft
- IEAT – Inschtitut fir Energy- un Aadriibstächnik
- IEES – Inschtitut fir Eläktrischi Energysischteem
- IDF – Inschtitut fir Daatenoptimierti Feertigung
- IFA – Inschtitut fir Innovatiivi Fahrzyygaadriib
- IFI – Inschtitut fir Internazionalisierig
- IFM – Inschtitut fir Fahrerassischtänz un vernetzti Mobiliteet
- IGG – Inschtitut fir Gsundhait un Generazioone
- ILE – Inschtitut fir Laischtigselektroonik
- INIT – Inschtitut fir Noohaltigi un Innovatiivi Turismusentwicklig
- IPI – Inschtitut fir Produkzioon un Informaatik
- KLEVERTEC – Kumpetänzzäntrum fir aagwändti Foorschig in dr Lääbesmittel- un Verpackigstächnology
Weblink
[ändere | Quälltäxt bearbeite]
Commons: Hochschule Kempten – Sammlig vo MultimediadateieFueßnote
[ändere | Quälltäxt bearbeite]- ↑ http://www.hochschule-kempten.de/home/news-details/article/ueber-1880.html
- ↑ http://www.hochschule-kempten.de/fileadmin/fh-kempten/HL/Hochschulrecht/Allgemeines/1110404_Konsolidierte_Fassung_nach_3._AEnderung.pdf
- ↑ Franz-Rasso Böck, Ralf Lienert, Joachim Weigel (Hrsg.): Jahrhundertblicke auf Kempten 1900–2000. Verlag Tobias Dannheimer – Allgäuer Zeitungsverlag, Kempten (Allgäu) 1999, ISBN 3-88881-035-3, S. 167 f.
- ↑ www.hs-kempten.de
- ↑ hochschule-kempten.de: Hochschule Kempten - Geschichte.
- ↑ TBH – Transferstellen der Bayerischen Hochschulen. Abgruefen am 5. Oktober 2021.
- ↑ Wissenstransferzentrum Füssen startet im November. In: Füssen aktuell. 28. September 2020, abgruefen am 5. Oktober 2021 (de-DE).
- ↑ Hochschule Kempten / Forschungsinstitute. Abgruefen am 5. Oktober 2021.
Koordinate: 47° 42′ 57″ N, 10° 18′ 49″ O
|
Dä Artikel basiert uff ere fräie Übersetzig vum Artikel „Hochschule_für_angewandte_Wissenschaften_Kempten“ vu de dütsche Wikipedia. E Liste vu de Autore un Versione isch do z finde. |