Hindustani

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Hindustani (हिंदुस्तानी, ہندوستانی)
Verbreitig: Indien, Pakistan, Bangladesch, Fidschi und witeri Länder
Sprecher: 541 Mio. (as Muetersprooch), 904 Mio. (im Ganze)
Linguistischi
Klassifikation
:
  • Hindustani
Offizieller Status
Amtssprooch vo: Fidschi Fidschi (as Fidschi-Hindustani)
IndienIndien Indie (as Hindi)
Pakistan Pakistan (as Urdu)

Hindustani isch d Bezäichnig von ere nordindische Sprooch, wo sich us ere d Standardsprooche Hindi, Urdu und Fidschi-Hindustani entwigglet häi. S Wort hindustānī isch in dere Sprooch e Femininum und wird in Hindi हिंदुस्तानी gschriibe bzw. ہندوستانی in Urdu. D Bezäichnig stammt us em Persische und bedütet „Indisch“ (äigentlig: „das wo us em Indus-Land chunnt“).

Hindustani isch en indoarischi Sprooch und isch in wite Däil vom Norde und dr Middi vom indische Subkontinänt verstande worde. Hüte verstoot mä under Hindustani die mündligi Usgliichssprooch vo Nordindie (und Pakistan), wo in informelle Alldaagssituazione gebrüüchlig isch und andersch as Hindi und Urdu käni feste Reegle het, wo überregional verbindlig si. Dorum isch Hindustani kä Standardsprooch.

D Unterschiid zwüsche Hindi und Urdu[ändere | Quälltäxt bearbeite]

Hindi und Urdu si Warietääte vo dr gliiche Äinzelsprooch (Soziolekt). Ethno-politisch wird dr Sproochezwilling Hindi-Urdu as zwäi verschiideni Usbausprooche aagluegt. Dr Hauptunterschiid isch, ass underschidligi Alfabet verwändet wärde. Hindi wird in Devanagari gschriibe, Urdu in Perso-Arabisch.

Wääred sich dr Wortschatz vo dr Schriftsprooch underschäidet (z. B. Fachwörter und religiöösi Bezäichnige), isch d Grammatik die gliichi und d Usprooch eso äänlig, ass sich Sprächer im Alldaag ooni Broblem chönne verständige.

Information icon.svg Dä Artikel basiert uff ere fräie Übersetzig vum Artikel „Hindustani“ vu de dütsche Wikipedia.

E Liste vu de Autore un Versione isch do z finde.