d’ Hìmmelfàhrtskìrìch z’ Lukjaniwka

Us der alemannische Wikipedia, der freie Dialäkt-Enzyklopedy
D’ Hìmmelfàhrtskìrìch z’ Lukjaniwka.
Dialäkt: Mìlhüüserdiitsch
D’ Hìmmelfàhrtskìrìch z’ Lukjaniwka.
Dr Nordiigàng.
D’ Ruina vu dr Kìrìch ànna 2022.

D’ Hìmmelfàhrtskìrìch (ukràinisch Свято-Вознесенська церква, àui Храм Вознесіння Христового) ìsch a histoorischa Holzkìrìch z’ Lukjaniwka ìm ukràinischa Rajon Browary gsìì, wo-n-ìm März 2022 zärschteert worra-n-ìsch. Sa hàt züa dr Eparchii Boryspil vu dr Ukràinisch-Orthodoxa Kìrìch ìm Moskàuier Patriarchat gheert.

Gschìcht[ändere | Quälltäxt bearbeite]

D’ Hìmmelfàhrtskìrìch z’ Lukjaniwka ìsch ànna 1870 bàuia worra. Sa ìsch geega-n-ìwwer ìhra Vorgangerkìrìch, dr Chrìschti-Geburts-Kìrìch (Ukrainisch церква Різдва Христового) vu 1758 gschtànda, wälla kurz noh dr Färtigschtällung àbbàuia worra-n-ìsch. Ìn dr Zitt vu dr Sowjetunion ìsch d’ Kìrìch ànna 1930 gschlossa worra. Ìn dr Zitt vu dr diitscha Besàztung ìm Zwaita Waltkriag àb 1941 ìsch sa wìeder gäffnet worra, un ìsch düürhàft uffa blìewa noh dr Ruckäroowerung dur d’ Sowjetunion. Ums Joohr 2009 hàt ma d’ Üüssafàssàda vum Gebäi näi gschtrìecha. Wahrend dr Schlàcht um Kiew ànna 2022 ìsch d’ Kìrìch z’äärscht schwar bschadigt worra. Biim Àbzug vu da rüssischa Truppa àm Morga vum 25. März 2022 hàt a rüssischer Pànzer àbsìchtligerwiis mìt viar Schìss d’ Kìrìch ìn Brànd gsätzt, so dàss sa vollschtandig zärschteert worra-n-ìsch.[1][2][3][4][5]

Bschriiwung vum Gebäi[ändere | Quälltäxt bearbeite]

D’ orthodoxa Dorfkìrìch gìlt àls a typisch Bàuiwark vu dr ukràinischa Holzbàuikunscht. Sa ìsch àwwer kää gschìtzt Dankmol gsìì.[4] Ahnelt hàt sa dr Michaeliskìrìch vu 1866 z’ Mala Staryzja ìm nochberliga Rajon Boryspil —wo sii Dàch äbbis ànders uffbàuia worra-n-ìsch— so wia d’ Georgskìrìch z’ Saworytschi vu 1873, wo sii Glockaturmdàch ahnlig vorschprìngend gschtàltet worra-n-ìsch[6][7] —dia Kìrìch ìsch friahjer ìm Joohr 2022 zärschteert worra gsìì. Wänn maa d’ Ainzelhaita glüagt hàt, hàt maa-n-àwwer märkt, àss d’ Hìmmelfàhrtskìrìch sìch vu baida Kìrcha-n-unterschaidet hàt.

D’ Hìmmelfàhrtskìrìch hàt d’ Form vu’ma Rachtäck ghàà. Uff dr Viarung ìm Oschta-n-ìsch a Kuppel gsìì. Dr Glockaturm ìsch ìwwer’m wäschtliga Vorbàui gschtànda. D’ Kìrìch hàt dräi Iigang ghàà, wo je dur a Draiäcksgaawel betont gsìì sìnn. Vor jeedem Iigàng ìsch a Portikus mìt’ma zwaita Draiäcksgaawel gsìì. Àn dr Nord- un dr Süüdsitta-n-ìsch dr Sockel vum àchtäckiga Glockaturm mìt d’ gliicha Gaawel ziart gsìì. D’ Rundboogafanschter vum Glockaturm sìnn numma-n-ààdiitet gsìì, wahrend àss d’ Kuppel àn àlla àcht Siita klàssizischta Rundboogafanschter hàt.

D’ Fanschter vum Ardgschooss sìnn àlla ainhaitlig rachtäckig gschtàltet worra. A wààgarachta Glìederung hàt d’ Üüssafàssàda dur sìchtbààra Deela ghàà. Dr Untertail vum Gebäi hàt zwai wààgarachta Ziarschtraifa ghàà. D’ untera Ziarschtraifa-n-ìsch mìt Beega gschtàltet worra, d’ oowera mìt Relief-Plattla. Drzüa ìsch a sankrachta Glìederung mìt schmàla blàuia Süüla àn da Äcka vum Gebäi gsìì, un tailmol àui zwìscha da Fanschter. Dr Gaawel vum Nordiigàng ìsch mìt biblischa Szena ziart gsìì, uff dr Nordtììra sìnn d’ Hailiga Kyrill un Method dàrgschtällt gsìì. Uff dr Tììra vum Naawagebäi ìm Nordoschta-n-ìsch a Dàrschtällung vu’ma Hailiga gsìì.

Weblinks[ändere | Quälltäxt bearbeite]

 Commons: Hìmmelfàhrtskìrìch z’ Lukjaniwka – Sammlig vo Multimediadateie
  • Olena Krushynska: Лук'янівка, derev.org, àbgrüafa-n-àm 8. Àwrìl 2022 (Sitta mìt àndra Fotos).

Ainzelnoohwiisa[ändere | Quälltäxt bearbeite]

  1. ↑ Destroyed tanks, church on frontline of battle for Kyiv. France 24, 31. März 2022, abgruefen am 8. April 2022 (änglisch).
  2. ↑ У Лук‘янівці знищено древній храм Бориспільської єпархії УПЦ. In: news.church.ua. 25. März 2022, abgruefen am 8. April 2022 (ukrainisch).
  3. ↑ Главная Новости Криминал В Киевской области из-за обстрелов оккупантов есть погибшие, уничтожен храм (ФОТО) В Киевской области из-за обстрелов оккупантов есть погибшие, уничтожен храм (ФОТО). In: kyiv.comments.ua. 26. März 2022, abgruefen am 8. April 2022 (russisch, mìt Fotos sowohl vor wia àui noh-n-em Brànd).
  4. ↑ 4,0 4,1 На Київщині окупанти знищили старовинну дерев’яну церкву. In: espreso.tv. 25. März 2022, abgruefen am 8. April 2022 (ukrainisch).
  5. ↑ Andrij Iwanenko: Лук'янівка. 25. März 2022, archiviert vom Original am 27. Oktober 2020; abgruefen am 12. April 2022 (ukrainisch).
  6. ↑ Лук’янівка. In: ukrainaincognita.com. Abgruefen am 8. April 2022 (ukrainisch, Einschätzung beruft sich auf Roman Malenkov und Oleg Godyna).
  7. ↑ Olena Krushynska: Мала Стариця. In: derev.org.ua. Abgruefen am 8. April 2022 (ukrainisch).

Koordinate: 50° 29′ 32,7″ N, 31° 22′ 35,1″ O

Dä Artikel basiert uff ere fräie Übersetzig vu dere Version vum Artikel „Himmelfahrtskirche_(Lukjaniwka)“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Himmelfahrtskirche_(Lukjaniwka)&oldid=1043314"