Hilf:Nutzerchonto stilllege

Us der alemannische Wikipedia, der freie Dialäkt-Enzyklopedy

Im Gegesatz zum Bispil zu Internetfore cha mer e Nutzerchonto nümi lösche, sobal's emoll aaglèggt un aktiiv wore-n-isch. Lüeg dodezüe de Abschnitt zur Erchlärig am Änd vu derre Site.

Einewäg cha mer sii Chonto uff verschideni Arte stilllege. D'Mögligkeite sin do abgstuft bschribe, je noch demm, was de unter „stilllege“ verstohsch.

D'Nutzersite lösche loo[ändere | Quälltäxt bearbeite]

De chasch allewiil dini Nutzersite lösche loo, de müesch keini Gründ aagee. Dodezüe schribsch eifach {{Löschen|--~~~}} druff. Diskussionssite were nit glöscht.

De Nutzernamme ändere loo[ändere | Quälltäxt bearbeite]

Wenn de nümi dii alts Pseudonyym wottsch bruuche (zum Bispil, wenn's dii volle ächte Namme verrotet) un's vu de Wikipedia verschwinde soll, no chasch bi'me-ne Bürokrat e Nammensänderig beaadrage. Allerdings wird d'Umbenännig i'me-ne Logbüech gspeichert un wänn Du bi eme Biidreg mit diner Signatur unterschribe hesch, no müesch die Signature deno vu Hand ändere.

Mer cha allewiil di eigeni Nutzersite lääre odder e Abschidskommentar druffschriibe. Un deno hörsch eifach uff, s Chonto z bruuche (lüeg S Rächt z goh).

Wenn de keini Mails vu andere Wikipedianer meh wottsch griege, no chasch in de Iistellige dini Adräss entferne odder deaktiviere (lüeg Hilf:E-Mail). Wenn de sicher sii wottsch, dass de spöter nümi in Versüechig chunnsch, dich widder iizlogge, no nümm dini E-Mail-Adräss uuse un änder dii Basswort uff e züefälligi Zeicheketti, wu dr nit merchsch.

Wenn de unter „Wikipedia-Sucht“ liidsch un der e Zwangspaus wottsch verordne, no chasch (uuabhängig vu de bschribene Mögligkeite) allewiil e Ammann bitte, dich uubegränzt odder für e bstimmte Zitruum z sperre. Dini Diskussionssite chasch für di gliichi Duur sperre loo.

Wenn de dii Chonto für e längeri Zit nümi verwände wottsch, no chasch uff diner Nutzersite e Kommentar dezüe abgee. Säll sottsch natürlig uuseneh, wenn de widder aafangsch, wiil sust anderi Nutzer verwirrt were.

Rächtligi Broblemfäll[ändere | Quälltäxt bearbeite]

Wenn zum Bispil öbber e Nutzerchonto mit private Informatione zu dir im Nutzernamme aaglèggt hät un e Umbenännig un Sitelöschig nit längt, no chönne unter Umständ witeri Schritt iigleitet were. Wänd di in eso Fäll bitte an e Entwickler – vorhär chasch di (wenn nötig au per Mail) vu'me-ne Bürokrat odder Checkuser berote loo.

Nutzerchonto kumplätt lösche?[ändere | Quälltäxt bearbeite]

Wiso cha mer e Nutzerchonto nit kumplätt lösche loo?

E „spurelosi“ Löschig vu'me-ne Nutzerchonto, wu scho zum Bearbeite verwändet wore-n-isch, isch nit möglig: d'MediaWiki-Software hät im Gegesatz zu andere Internetaawändige d'Eigeschaft, alli Versione vu-n-ere Site odder Datäi mitsamt de Unterschid zwüsche sälle abzspeichere. Eso chönne verschideni Lüt zämme a'me-ne Tekscht schaffe un d'Autore bliibe übber d'Versionsgschicht nochvollziehbar, wie's d'GNU-Lizänz für fräii Dokumentation verlangt. Sällewäg wird jedi einzelni Bearbeitig mit eme bstimmte Nutzer (aagmäldets Chonto odder IP-Adräss) identifiziert (lüeg Hilf:Versione, was für d'Transparänz un us rächtlige Gründ (z. B. zum Uffspüre vu andere Urheberrächtsverletzige vu'me-ne Nutzer) nötig sii cha.

We'mer e Nutzerchonto datsächlig ganz lösche det, no mießte alli Biidreg vu-n-em eme Sammelchonto „Glöschte Nutzer“ züegschribe were – des wär theoretisch un technisch möglig, abber deno det mer alli Versionsgschichte, wu-n-er mitgwircht hät, verfälsche (we'mer numme e bstimmte Nutzername wott loswere, no cha mer en ändere loo). Dezüe chunnt, dass deno in churzer Zit s Chonto „Glöschte Nutzer“ zum völlig uudifferenzierte „Hauptautor“ vu de Wikipedia were, wiil so viili Nutzerchonte glöscht were dete. Drum cha mer d'Züeordnig vu Bearbeitig un Nutzer in de Datebank nit uffhebe.

E Bispil zum Zeige:

We'mer sich d'Versionsgschicht vu de Hauptsite aalüegt, no stoßt mer uff verschideni Autore mit Zitaagabe. Au Versionsvergliich wie zum Bispil cha mer duurefiehre. Wenn s entsprächend Chonto det glöscht were, no mießt mer sich froge, wär d'Bearbeitig gmacht hät, de Tekscht isch jo all no in de Version denoch dinne. Dä, wu di nechsti Änderig vorgnuu hät, isch es jo nit gsi.

Lüeg au: mediawiki-l: Never delete users