Hilf:Benùtzerbiidrääg

Us der alemannische Wikipedia, der freie Dialäkt-Enzyklopedy

D'SpezialsitteSpezial:Biidrääg“ generiert e automatischi Liste vù Bearbeitige, wùù öbber under-e-me bstìmmte Benùtzername bzw. under-e-re bstìmmte IP-Adräss ùf dèm Brojäkt veröffentligt hät. Esoo cha mer noochbriefe, was öbber gmacht hät. D'Liste isch chronologisch ùn zeigt di letschte Bearbeitige zoberst aa.

Usswahl vù de Biidrääg[ändere | Quälltäxt bearbeite]

Ùf de Biidrääg-Sitte wird oberhalb vù de ùfglistete Bearbeitige sälli Liiste aazeigt:

(Nöischti | Eltischti) (nächschti 50) (vorderi 50) aazeige; (20 | 50 | 100 | 200 | 500) uf ds Mal

Wenn ùf „vorderi 50“ drùcksch, no werre dr sälli 50 Bearbeitige aazeigt, wùù voor de vorheer aazeigte dätigt worre sìn. Analog doodezüe fiehrt „nächschti 50“ zù de fufzig spötere Biidrääg. Wè'mer ùf „Eltischti“ drùckt, no chùnnt mer zù de friehste 50 Biidrääg ǜberhaupt vùm ussgwählte Nùtzer. Wè'mer d'Bearbeitige ùs-e-me bstìmmte Zittruum wott seh, no cha mer sälle Zittruum bi „bis Joor: ... und Monet: ...“ iigee. Deno drùckt mer ùf „Sueche“.

Under de Zahle voor em uf ds Mal cha mer usswähle, wie vili Biidrääg broo Sitte erschine solle. Obacht: Bi ältere Internetbrogramm cha's sii, dass e langi Liste schweer zùm Lade isch odder sogaar zù me-ne Absturz fiehrt.

Namensruum: Säll bruuchsch, wenn de nùme Bearbeitige ùs-e-me bstìmmte Namesruum wottsch seh. Under „Benutzer“ erschine also Bearbeitige an Benùtzersitte ùn Undersitte vù sälle, under „(Haupt-)“ nùme sonigi an Artikel.

Aazahl vù de Bearbeitige[ändere | Quälltäxt bearbeite]

Wenn de d'Bearbeitige vù öbberm nìt sälber wottsch zälle, was eventuäll rächt lang goh cha, no gìt's ùf em Brojäkt Wikimedia Toolserver automatischi Bearbeitigszäller. Ùf andere Wikimedia-Brojäkt, zùm Bispiil ùf de düttschsproochige Wikipedia, gìt's au under de Biidraagsliste e Verwiis ùf eine devùù.