Hilda Jauslin

Us der alemannische Wikipedia, der freie Dialäkt-Enzyklopedy

D Hilda Jauslin (* 1932 z Basel) isch e Schwyzer Schriftstelleri.

Lääbe[ändere | Quälltäxt bearbeite]

D Jauslin isch z Basel uf d Schuel gange un isch derno fir ai Johr uf Gämf. Si het im Buechantiquariat un Verlag Wepf z Basel gschafft un speter ne Uusbildig zur Gimnaschtik- un Pantomime-Lehreri gmacht. Si het au im Sälbschthilfzäntrum „Hinterhuus“ gschaftf. No dr Hochzyt isch si mit irem Mann anne 1957 uf Allschwil zoge, wu s hit no läbt. Si het drei Chinder..

D Jauslin schrybt Prosa un Gedicht iber Basel un d Region, uf Schriftdytsch um im Dialäkt. Anne 2002 het d Hilda Jauslin dr erscht Bryys bim Literaturwettbewärb „Oberheinischer Rollwagen“ gwunne mit dr Churzgschicht „Spaziergang, täglich“ un 2005 bim nämlige Wettbewärb dr dritt Bryys mit dr baseldytsche Gschicht „Dreiländerbligg.“

Wäärch[ändere | Quälltäxt bearbeite]

Erschti Sache het d Jauslin 1999 bis 2004 in dr Heft vu dr „Literaturkurve“ un dr „Offenen Szene Literatur“ un in Anthologie vereffetligt..

  • Ebbe und Flut. Basel 2003.
  • Blaues vom Himmel. Basel 2006.
  • Basel, d Fasnacht und der Ryy. Riehen 2004.
  • Kopf Hand Werk. 2010.
  • Les galets du Rhin/Rheinkiesel. 2012.
  • Poesie-Kalender. 2015.
  • Joruss-joryy, Baseldütschi Gidicht und Gschichte. Riehen 2005.
  • Am Ryy, Baseldütschi Gidicht und Gschichte. Riehen 2010.

Au zue dr Chinder-CD „Horch emol“ vu dr Muettersprooch-Gsellschaft (2015) het d Jauslin e Gschicht bydrait.

Weblink[ändere | Quälltäxt bearbeite]