Hermann Pfeifer

Dor Hermann Pfeifer (* 7. Jänner 1928; 6. März 2000), Såelormåesdor ond Ondorneemor, sdammd aus-ra aldaegsässena Handwärgerfamilie vo Memmenga, emm siidlicha Dåel vom bayrischa Regiirongsbezirk Schwaba. Är hådd a beachdlicha Ãzaal vo Biachor gschriiba, Hoemedbiachor vo Memmenga ond Biachor emm schwäbischa Dialäggd.

Läaba

Dor Hermann Pfeifer hådd dor Bedriib vo saem Vaddor zorr-a graosa Memmengor Industriifirma (PFEIFER Seil- und Hebetechnik) ausbaud, ond isch vo 1950 bis 1996 dor Gschäfdsfiirer vo dära Firma gwäa. Är hådd sich poliddisch, gsellschafdlich ond kulturäll firr sae Hoemedsdadd engagird. Bei dor Grendong vo de "Memminger Wallensteinfestspiele" isch-or a zendrala Figur gwäa. S bekannde Theatersdiggle "Jedermann" hådd-or enns Schwäbische iborsezzd. D ledsd Uffirong vo demm Sdigg isch 2018 bei de Wallensteinfestspiele gwäa.

Dialäggd ond Schreibweis

Dor Pfeifer schreibd emm ostschwäbischa Dialägd.
Sae Schreibweis isch eenlich wia dui vo andore osd-schwäbische Schreibor:
Må-mor hochdeidsch "e" [e] schreibd, abor schwäbisch "ä" [ɛ] schwäzzd, schreibd-or "ea".
Är schreibd "au" firr drei Sacha: Firrs tatsächliche "au" [aʊ], abor ao firrs "ao" [ao] ond firrs "dongle a" [ɒ:]. Mor muas a bissle uffbassa, ond älle drei beim Vorläasa ondorschaeda: "Är haud laud graucht" wird so ausgsbocha: Är håt laut graocht.

Biachor

• D'r Bleachlesschlossr. Memminger Originale, Bauer-Verlag 1998, ISBN-13 978-3934509184
• Memming'r Bildla. 60 teils heitere teils besinnliche Betrachtungen in Memminger Mundart, Memmingen, Verlag der Memminger Zeitung, o. J.
• Ikebana: Odr dr japanische Konschtbaum, Bauer-Verlag 1987, ISBN-13 978-3934509146
• Memminger Mysterienspiele Band 2. Der verlorene Sohn, Totentänze, Memmingen, Verlag Memminger Zeitung, 1999
• Goischtrflug, Hiragschpinscht ond Wauhreta, Memmingen 1998, Verlag der Memminger Zeitung

(Liste unvollständig)