Helmut Dold

Dr Helmut Dold (* 31. Oktober 1958) isch e dytsche Musiker. Mer chännt en in dr Region Lohr as „De Hämme“.

Lääbe

Dr Dold isch im Lohrer Stadtdail Kuebach ufgwagse as Suhn vum Metzgermaischter Fridolin Dold un syre Frau Gretel. Noch em Abitur un em Wehrdienscht im Luftwaffe Musikkorps II z Charlsrue het er an dr Musikhochschuel z Fryburg klassischi Drumpete bim Robert Bodenröder studiert.

Är isch aber kai klassische Musiker wore un het derfir Blosmusik un Jazz gmacht. An dr städtische Musikschuel Lohr duet er syter anne 1987 Drumpete unterrichte. Dernäbe isch er langi Johr Dirigänt vum Blosorcheschter Hailigezell gsii un het Dixieland gspiilt mit „Papa Klaus und seinen Dixie-Waidags“ z Lohr un speter bi „Fräulein Mayer’s Hinterhausjazzern“ z Fryburg, bi dr „SWR TV Anstaltsband“, mit dr „Albert-Louis-Jazzband“ un dr „Iris Oettinger Jazzband“ z Stuegert. Är dritt Solo uf, mit em Philipp Moehrke as Klavierpartner oder au mit sym Dixie-Quartett, derzue mit em Uwe Ladwig un em Lothar Binder as Trio „Bixology”

Us syre Liebi zum alemannische Dialäkt un wel er au aigeni Lieder het welle schrybe isch sy Mundart-Comedy-Programm „De Hämme“ entstande. Im Silberburg-Verlag het er vier Biecher mit Witz im Dialäkt publiziert, derzue het er verschideni CD vereffetligt.

Är isch ghyrote un läbt mit syre Frau Diana z Lohr.

Biecher

Das badische Witzbüchle. 154 viehmäßige Witz. Silberburg Verlag, Tübingen 2012. ISBN 9783842511705. 96 S.
Das badische Witzbüchle. Neue Witze und Geschichten. Silberburg Verlag, Tübingen 2014. ISBN 9783842513228. 96 S.
Hämmes Hämmer. Neue Witze und Geschichten. Silberburg Verlag, Tübingen 2017. ISBN 9783842520301. 96 S.
Das neue badische Witzbüchle. Silberburg Verlag, Tübingen 2021. ISBN 9783842523401. 96 S.

CD

as De Hämme

De Hämme 1. Akt. Single-CD. 2002
De Hämme 2. Akt. Single-CD. 2004
Lache isch d’beschd Medizin! CD. 2005
Witz un Hits! CD. 2009
s’Jagdhörnli. Single-CD. 2010
De Hämme vun Kuhbach. CD. 2013

as Jazz-Solischt

Jazzin around. 2005

Bixology

The Spirit of Bix Beiderbecke. 2010
The Art of Bix Beiderbecke. 2013

mit em Philipp Moehrke

C´est Si Bon. 2007
Helmut Dold & Philipp Moehrke servieren deutsche Jazz Schlager. 2009

Helmut Dold’s Dixie Quartett

Tante Paula. 2008

Weblink

Websyte vum Helmut Dold