Helli Stehle

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Helene «Helli» Louise Stehle (* 6. Dezämber 1907 z Basel; † 27. Augschte 2017 ebe dert[1]) isch e Schwyzer Schauspiileri un Radiomoderatori gsii. Si isch ab 1939 di erscht wybli Nochrichtesprächeri vu dr Schwyz gsii.[2]

Lääben un Karriere[ändere | Quälltäxt bearbeite]

D Stehle isch z Basel ufgwachse un het in dr 1920er-Johr am Konservatorium Basel bim Oskar Wälterlin, dr Lucie Lissl un dr Rosalia Chladek en Uusbildig as Schauspiileri gmacht.[2] Derno het si 1929 bis 1932 am Stadttheater Basel gspiilt. Ab dr spote 1920er-Johr, het si bim Radiostudio Basel vum Schwyzer Landessänder Beromünschter gschafft.[2] Zerscht isch d Stehle bi dr Heerspiielgruppe vum Studio Basel gsii, wu si Gedicht rezitiert oder bi Heerspiil mitwirkt het. Dernäbe het d Stehle versuecht, as Schauspiileri au an dytsche Bihnine Fueß z fasse.[3]

Noch em Uusbruch vum Zweete Wältchrieg isch d Stehle fescht bim Radiostudio Basel engaschiert wore un het in dr Chriegsjohr as erschi wybligi Aasageri un Nochrichtesprächeri gwirkt, wel ihri männlige Kollegen in dr Aktivdienscht yyzoge wore sin.[4] Noch em Chrieg isch d Stehle as Aasageri bim Radio bliben un isch schließli zue dr Schefsprächeri beferderet wore.[5] In däre Funktion het d Stehle au jungi Nochrichtesprächer uusbildet.[4] Derzue het si bi verschidene Radioheerspiil mitgwirkt un het bi ne Dail au Reschy gfiert. Dernäbe het mer d Stehle au als as Schauspiileri chenne sää, zem Byschpel anne 1966 mit em Heinrich Gretler in De Tod uf em Oepfelbaum.[6] 1967 isch si pänsioniert wore.[3]

D Stehle het si e Lääbe lang fir s Baseldytsch un s Schwyzerdytsch im Allgmaine engaschiert.[4] Vor ihrem Dod im Alter vu 109 Johr isch si di letscht läbig Schwyzeri gsii.[7][8]

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Radiopionierin Helli Stehle mit 109 Jahren gestorben. uf: srf.ch vom 28. Augschte 2017
  2. 2,0 2,1 2,2 Thomas Blubacher: Helli Stehle. In: Andreas Kotte (Hrsg.): Theaterlexikon der Schweiz. Band 3. Chronos, Zürich 2005, ISBN 3-0340-0715-9, S. 1738 f.
  3. 3,0 3,1 Erste Radiosprecherin der Schweiz feiert ihren 100. Geburtstag. Männerbastion während Aktivdienst gestürmt. Neue Zürcher Zeitung. 4. Dezämber 2007, abgruefen am 16. Oktober 2016.
  4. 4,0 4,1 4,2 Edith Lier: Augenzeuge Helene Stehle «Wie ein Geier wachte ich über die Aussprache meiner Kollegen». Beobachter. 6. Februar 2008, abgruefen am 16. Oktober 2016.
  5. Muriel Mercier: 108. Geburtstag. Helene Stehle, älteste Baslerin und Pionierin beim Radio Beromünster. Basellandschaftliche Zeitung. 5. Dezämber 2015, abgruefen am 16. Oktober 2016.
  6. Helli Stehle in der Internet Movie Database (englisch)
  7. Countries Data. The 110 Club. 19. Dezember 2015, abgruefen am 16. Oktober 2016.
  8. Countries Data. The 110 Club, 2017-05-10. Abgrüeft am 2017-06-08.
Information icon.svg Dä Artikel basiert uff ere fräie Übersetzig vu dere Version vum Artikel „Helli_Stehle“ vu de dütsche Wikipedia.

E Liste vu de Autore un Versione isch do z finde.