Heinrich II. (HRR)

Us der alemannische Wikipedia, der freie Dialäkt-Enzyklopedy
D Chrönig vom Heinrich II. isch im Rägesburger Sakramäntar dargstellt.

Dr Heinrich II. (* 6. Mai 973 oder 978 z Abbach oder z Hildesheim; † 13. Juli 1024 i dr Pfalz vo Grone) isch Herzog vo Bayern, röömisch-düütsche König, König vo Itaalie und vo 1014 bis 1024 Kaiser vom Heilige Röömische Rych gsi.

Dr Heinrich isch vo der Dynaschty vo de Ottoone cho und ane 1002 zum ostfränkische König gchröönt worde. Öppe um s Joor 1000 het er d Kunigunde vo Luxemburg ghürootet.

I dr Regierigszyt vom Heinrich II. isch dr Chrieg mit Poole e ständigs Probleem gsi. Ane 1006 isch der Heinrich em König Rudolf III. vo Burgund bigägnet. Dä het iim d Stadt Basel füs Rych abträtte und versproche, ass ganz Burgund spööter as Rych sell choo. Wo dr Heinrich ane 1024 gstorben isch, het dr Rudolf no gläbt; und so isch dr Übergang vo Burgund as Rych erscht under am nögschte Herrscher, em Konrad II., z stand choo.

D Chronik vom Thietmar vo Merseburg isch die beschti Kwäle fürs Läbe vom Heinrich II.

Weblink[ändere | Quälltäxt bearbeite]

 Commons: Heinrich II. – Sammlig vo Multimediadateie