Heidi Knoblich
D Heidi Knoblich (* 23. Oktober 1954 z Zäll as Heidi Baumgartner) isch e dytschi Schriftstelleri un Schurnalischti.
Lääbe
[ändere | Quälltäxt bearbeite]Di eerschte Vereffetlichunge vu dr Heidi Knoblich sin iri Chindergschiichte gsii, wu mit Illuschtrazioone vu dr Traute Enderle-Sturm im Magazin vu dr Baadische Zytig uusechuu sin. E braiter Publikum chännt si syter anne 1994 dur di reegelmääßig an Hailigoobe Sidweschtfäärnsee uusgstraalt Sändig Lieder und Geschichten unter dem Christbaum – Werner O. Feißt und seine Freunde erzählen. Iber vyyl Joor wisch si deert mit ire aigene Wynäächtsgschiichte bresänt gsii. Un d Welt hät liislig gschnuuft, ire alemannisch Winter- un Wynäächtsbuech, isch e Sammlig vu all dääne Wynäächtsgschiichte un isch anne 1998 erschiine.
Syter 1996 schafft si bim SWR-Studio Fryburg, mer chänt si in dr Regioon dur iri Raadioo-Byydreeg, wu s um s Land, sy Mänsche un iri Sprooch din goot. Bis Ändi 2005 isch d Heidi Knoblich mit andere Autoor*ne fir di uf SWR4 all Wuche uusgstraalt Sändig Mundart am Samstag verantwoortli gsii. Dryzee Joor lang het d Heidi Knoblich au in dr beliebte Raadioo-Comedy-Seerine Zahnarztpraxis Dr. Pauly, us dr Fäädere vum Heerspiilautoor Hugo Rendler, d Roll vu dr Zaandokterhälferi Sofie gspiilt.
D Heidi Knoblich het histoorischi Romään (Winteräpfel, Constanze Mozart geb. Weber, Tanz auf dem Wind) un Biinestuck (Fanny, Die Schwarzwaldengländer, Ein Dinner für den Fürstenmaler etc.) gschriibe.
Zue dr Jubileeumsveraastaltig 125 Jahre Skilauf im Schwarzwald – Heimat des Skisports seit 1891 anne 2015 isch s Heidi Knoblichs Wynäächts-Chinderbuech Zum Christkind auf den Feldberg – Weihnachten bei Fräulein Fanny im Silberburg-Verlaag z Diibenga uusechuu – e Spin-Off vu irem historische Romaan Winteräpfel, wu im Hintergrund d Gschiicht vu dr Aafäng vum Schyyschpoort im Schwaarzwald schilderet un zytglyych in dr nyynte un zeente Uflaag in ere Jubileeumsuusgaab vereffetligt wooren isch.
Anne 2001 het si dr Dytsch-Franzeesisch Fryndschaftsbryys iberchuu un 2004 d Johann-Peter-Hebel-Medaille.
D Heidi Knoblich isch ghyroote un het drei Deechtere.
Publikazioone
[ändere | Quälltäxt bearbeite]- Un d Welt hät liislig gschnuuft. Verlag Moritz Schauenburg, Lahr 1998
- Winteräpfel: Aus dem Leben der Feldbergmutter Fanny Mayer. Silberburg-Verlag, Tübingen 2003, ISBN 3-87407-909-0.
- Constanze Mozart geb. Weber: Ein biografischer Roman. Silberburg-Verlag, Tübingen 2006, ISBN 3-87407-905-8.
- Tanz auf dem Wind: Ignaz Blasius Bruder, Drehorgelmacher zu Waldkirch. Silberburg-Verlag, Tübingen 2007, ISBN 3-87407-938-4.
- Original Badisch/The Best of Baden Food. Hädecke, Neuauflage 2013, ISBN 3-7750-0416-5.
- Zum Christkind auf den Feldberg. Silberburg-Verlag, Tübingen 2015, ISBN 978-3-8425-1424-9.
- Alle warten auf das Lebkuchenweiblein – Eine Weihnachtsgeschichte aus dem Schwarzwald. Silberburg-Verlag, Tübingen 2016, ISBN 3-8425-1474-3.
- Xaver im Uhrenland – Weihnachten bei den Schwarzwald-Engländern. Silberburg-Verlag, Tübingen 2017, ISBN 3-8425-2063-8
Weblink
[ändere | Quälltäxt bearbeite]- Websyte vu dr Heidi Knoblich
- d Heidi Knoblich uf dr Websyte vu dr Muettersproch-Gsellschaft
- Heidi Knoblich uf autoren-bw.de
- Frauenpower - made in Baden: Heidi Knoblich uf regionimblick.de
- Heidi Knoblich uf autorenwelt.de
|
Dä Artikel basiert uff ere fräie Übersetzig vu dere Version vum Artikel „Heidi_Knoblich“ vu de dütsche Wikipedia. E Liste vu de Autore un Versione isch do z finde. |