Hedda Wardemann

Dialäkt: Undermarkgreflerisch

D Hedda Wardemann (* 9. Februar 1973 z Hameln) isch e dytschi Immunologi un Brofässeri in dr Abdailig B-Zäll-Immunology am Dytsche Chräbsforschigszäntrum z Haidelberch.

Lääbe

D Hedda Wardemann het vu 1992 bis 1998 Biology an dr Albert-Ludwigs-Universitet z Fryburg studiert. Ab 1998 het si am Max-Planck-Inschtitut fir Immunbiology z Fryburg promoviert un 2001 ire Doktortitel (Dr. rer. nat) iberchuu.

No ire Promotion isch si vu 2001 bis 2003 Postdoc im Labor vum Michel C. Nussenzweig an dr Rockefeller University z New York, USA gsii. Bis 2005 het d Wardemann in s Nussenzweigs Labor e Stell als Research Assistant Professor ghaa, voreb si 2006 iri aige Forschigsgruppe in dr Molekulare Immunology am Max-Planck-Inschtitut fir Infektionsbiology z Berlin grindet het. Anne 2014 isch d Hedda Wardemann ans Dytsch Chräbsforschigszäntrum z Haidelberch gwägslet, wu si syterhär d Abdailig B-Zäll-Immunology laitet.

D Wardemann forscht zue dr zälluläre un molekulare Mechanisme vu humane un murine Antikerperantworte unter pathogene un nit-pathogene Bedingige. Iri Forschigsgruppe het e Plattform zur Hochdurchsatz-Amplifikation un Sequänzierig vu Antikerper-Gen uf Ainzelzällebeni entwicklet, go di klonal Entwicklig vun ere B-Zällantwort in Gsunde un Chranke z verfolge. In Kombination mit dr Klonierig vu Antikerper, macht si molekulari un funktionali Analyse vu humane B-Zällantworte. Us däne Chänntnis solle neii Strategie zur Manipulation vum B-Zäll-Sischtem entwicklet wäre, go protektivi Antikerperantworte induziere wie z. B. dur Vakzinierig.

Mitglidschafte

• syt 2019: Academia Europaea
• syt 2018: Mitglid vum Europäische B-Zäll Netzwärch
• 2015: Grindigsmitglid vum "International Union of Immunological Sciences (IUIS) vaccine committee"

Fueßnote

Dä Artikel basiert uff ere fräie Übersetzig vu dere Version vum Artikel „Hedda_Wardemann“ vu de dütsche Wikipedia. E Liste vu de Autore un Versione isch do z finde.