Hare Krishna-Tempel Zürich

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
De Hare Krishna-Tempel a de Bergstrooss z Zöri

De Hare Krishna-Tempel z Zöri isch e Hindutempel, wo vo de ISKCON (Hare Krishna) ggründet woren isch und au e wichtige Tempel vo de Tamile isch, wo i de Schwiiz lebed. De Tempel isch a de Bergstroos 54 am Hang vom Zöriberg. De Tempel mit em Garte isch öber d Landesgrenze bikannt.

Gschicht[ändere | Quälltäxt bearbeite]

Im Früelig 1980 het d ISKCON a de Bergstroos 54 z Zöri en alti Patriziervilla gchauft, wo under Haimatschutz stoot. Die Villa isch ane 1909 baut wore und den vo de Bänklerfamili Bär biwont gsii. Well d Villa spööter kann Choiffer gfunde het isch si joorelang nöme biwont gsii und di Schwizerischi Krishnagsellschaft het di verlottreti Villa 1980 günstig chöne erwerbe. Wegem Arbetsiisatz vo Krishnaahänger het si zodem günstig chöne renoviert were.

de Tempel[ändere | Quälltäxt bearbeite]

Im Parterre isch de Aadochtsruum mitem Altoor, wo de Krishna vereert werd. Denebet gits no chlinneri Ufethaltsrüüm, för verschidnigi Aktivitäte. Im erste Stock isch e Bibliothek und en Uusstelig öber de Prabhupada, em Gründer vo de ISKCON. Di obere Rüüme wered vo Mönch biwont und sind för d Öffetlichkait nöd zuegängli. Bi guetem Wetter wered im Garte d Festesse iignoo. E chliini Boutique im Iigangsbiriich verchauft Büecher, Roicherwerch und sustigi Sache..

Im Hare Krishna-Tempel werd jedi Wuche s traditionelli Sunntigsfest gfiiret. S Fest fangt em Nomittag um drai mit em gmainsame Singe vom Mahamantra aa. Em vieri isch e Vortrag und abem föfi gits e gmainsams vegetarisches Festesse. Em Oobed em sibni startet de Bhajan (»Vedischi Tempelzeremonii«), wo de Altoor noi gschmückt werd. De Bhajan werd mengisch vo de ISKCON, mengisch vo Tamile glaitet.

Weblinks[ändere | Quälltäxt bearbeite]