Zum Inhalt springen

Hans Streuli

Us der alemannische Wikipedia, der freie Dialäkt-Enzyklopedy
Hans Streuli

De Hans Streuli (* 13. Juli 1892 z Züri; † 23. Mai 1970 z Aarau; Bürger vo Wädischwiil) isch en Schwiizer Politiker (Regierigs- und Bundesraat) vo der FDP gsii.

Läbe[ändere | Quälltäxt bearbeite]

De Streuli hät a der Äidgnössische Tächnische Hoochschuel z Züri Architäktuur gstudiert. 1918 hät er sis äige Architäktuurbüro uuftaa. 1922 hät er d Clara Püntner ghüraate und dänn mit ere zwoo Töchtere und äin Soon ghaa.

1928 isch er zum Gmäindsbresidänt vo Richterschwiil gwäält woorde und sibe Jaar drufabe, 1935, in Regierigsraat. Deet hät er d Finanztiräkzioon überchoo. Mit sim Voorschlaag für e kantonaali AHV (won er hät wele iifüere, wil d Abstimig uf äidgnössischer Ebeni 1931 bachab ggange isch), isch er 1941 nöd durechoo. Er hät aber chöne d Kantonsfinanze saniere, und 1952 hät s Stimmvolch sis nöi Stüürgsetz aagnaa. Siin Voorschlaag für e kantonaali AHV hät s Volch aber abgläänt. Er isch au Bresidänt vom Organisazoonskomitee vo de nachane birüemte Landesuusstelig 1939 («Landi») gsii.

Am 22. Dezember 1953 isch de Streuli in Bundesrat gwäält woorde und deet em Finanz- und Zolldepartäment vorgstande. Au im Bund hett er gäärn e nöis Stüürsischteem iigfüert, isch aber daademit uf vil Widerstand bi de Bürgerliche gstoosse und gschiiteret. Si isch em aber zmindscht glunge, s Sischteem, so wies halt gsii isch, z stabilisiere. Am 31. Dezämber 1959 isch er zruggträtte.

Bundesbresidänt isch er im Jaar 1957 gsii und Vizebresidänt im Jaar 1956.

Literatur[ändere | Quälltäxt bearbeite]