Hans Schmid (Pilot)

Us der alemannische Wikipedia, der freie Dialäkt-Enzyklopedy
Hops zue: Navigation, Suech

De Hans Schmid (* 5. Dezember 1879 z Ebnat, † 14. Oktober 1911 z Bärn) isch en Schwiizer Flugpioniir gsi und de erschti Schwiizer, wo bim Flüge tödlich verunfallt isch.

Läbe[ändere | Quälltäxt bearbeite]

De Hans Schmid isch Wirt vom Reschtaurant Sternen z Wettige gsi. Er het im 1910 z Douzy in de Ardenne s Flug-Brevet gmacht und dann mit eme Doppeldecker ab em Sommer 1910 uf em Chloschterfäld z Wettige di erschte Flugversüech unternoh. Im Juli 1911 het er dann erschtmols au Passagiir mitgnoh und am 30. Juli 1011 isch er bi ere Flugschau z Dübedorf einer vo de erfolgriichschte gsi. Bi eme Schaufliige z Bärn, wo vom 14. bis zum 16. Oktober het solle schtattfinde, isch er mit eme Eindecker aaträte. Am 14. Oktober het er vo de fünf Teilnehmer di längschti Flugziit annebrocht: 30 Minute und 55 Sekunde. Bim zweite Flug a dem Tag het sini Maschine nach öppe zwei Minute Flugziit Probläm übercho und sin Eindecker isch abgstürzt und het de Hans Schmid unter sich begrabe. Er het numme noch tot us em Flugzügwrack chönne geborge werde.

De Hans Schmid isch ghürote gsi und het füf Chind gha.

Weblink[ändere | Quälltäxt bearbeite]

Quelle[ändere | Quälltäxt bearbeite]