Pellet Hans-Peter

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

De Pellet Hans-Peter (* 7. Oktober 1970) isch en Schwiizer Schwinger. Er het e Körperlängi vo 175 cm und es Gwicht vo 100 kg. Bisher het er 136 Kränz gwunne, meh wi jeder anderi Schwinger bisher.

Schwinge[ändere | Quälltäxt bearbeite]

De Pellet Hans-Peter het im 1991 sin erscht Kranz gwunne. Sither sind es wit über hundert. Eidgnössischi Kränz het er in de Johr 1998, 2001, 2004 2007 und 2010 gwunne. Sin Verei isch de Schwingerclub Sense.

Privats[ändere | Quälltäxt bearbeite]

De Pellet Hans-Peter isch mit sine elf Gschwischterte uf eme Buurehof z Oberschrot im Friburgsche ufgwachse. Sini sächs Brüedere sind au alli Schwinger, aber er isch de erfolgriichscht. Vo Bruef isch er Schriiner.[1]

Weblink[ändere | Quälltäxt bearbeite]

Einzelnochwis[ändere | Quälltäxt bearbeite]

  1. „Wo Pellet zupackt, fliegen die Späne“ in de Aargauer Zitig vom 21. Ougschte 2010 uf Site 17