s’ Hüüs La Salle z’ Reims

dr Hôtel de La Salle

Dialäkt: Mìlhüüserdiitsch

S’ Hüüs La Salle (uff Frànzeesch sààgt m’r hôtel de La Salle [otɛl də lasal]) ìsch s’ ehamoolig Prìwààthüüs ìm Schtàdtzäntrum vu Reims ìn Frànkrììch, wu dr Johànnis Bàptist de La Salle uff d’ Walt kumma-n-ìsch. S’ Gebäi ìm Schtiil vu dr Rönaissans ìsch zitter 1920 àls Histoorisch Dankmool vu nàzionààler Bediitung g’schìtzt.

wu ’s lììgt

S’ Hüüs La Salle lììgt àm 4 bis Rue du Docteur-Jacquin àn dr Kriizung mìt dr Rue de l’Arbalète — dàs ìsch grààd hìnter’m Nordwäschtäcka vum Reimser Forumplàtz.

G’schìcht

S’ Hüüs hàt dr Reimser Liintüachhàndler Henri Choilly àb 1545 loo bàuija. Dr Turm un d’ Ìnnafàssààda sìnn ànna 1556/57 bàuija worra. S’ Gebäi hàt z’äärscht d’ Nàmma Hôtel des Sacqs de la Hérissandière [otɛl de sak də la erisɑ̃djɛʁ] un Hôtel de la Cloche Perce [otɛl də la klɔʃ pɛʁs] trajt, vor äbb dr François de La Salle ’s àm 4. Àwrìl 1609 ìwwernumma hàt. Ànna 1650 hàt d’ Jurischtafàmìlia La Salle noch doo g’woohnt. Dr Keenigsroot Louis de La Salle hàt d’ Nicolle Moët de Brouillet, dr Tochter vu’ma àndra Root, g’hiiroota. Àm 30. Àwrìl 1651 ìsch ìhr äärscht Kìnd Schàmbadiss uff d’ Walt kumma. Ar hàt doo bis 1664 siina äärschta driizeeh Joohra verbroocht. S’ Hüüs hàt d’rnooh zem Suhn Lancelot de La Salle (1601–1651) un schpeeter zem Ankelsuhn Louis de La Salle (1625–1672) g’heert.

Àm 24. Jüüni 1905 hàt d’ Fràui Brisset-Fossier s’ Hüüs ìwwernumma. Sa hàt doo dr Hàuiptsìtz vu dr bekànnta Käksfàwrìk Maison Fossier loo wàndla. Ìm Äärschta Waltkriag ìsch s’ Hüüs bùmbàrdiart un dur a Brànd b’schaadigt worra. Dr Laiter vum Maison Fossier Jean Lhose hàt’s ànna 1920 loo räschtoriara — um d’ Àrweta hann sìch d’ Reimser Àrkitäckta Marc Margotin em Louis Roubert kìmmert. Ànna 1957 ìsch s’ Hüüs vu da Schüalbriader ìwwernumma worra — ’s ìsch d’ Gmainschàft, wo dr La Salle salbscht hàt loo grìnda.

Ànna 1952 ìsch doo a Schtàtüüta vum hl. Johànnis Bàptist de La Salle ìn’ma Nischla uff dr Fàssààda-n-ààg’lajt worra — zallamols ìsch doo a Schtàtüüta vu dr Jumpfra Mària gsìì, wo àn dr Frànzeescha Revoluzioon àwaagg’numma worra ìsch. Hìtt ìsch ìm Hüüs a Forschungszäntrum un a Bibliothek vu da Schüalbriader. S’ Gebäi ìsch ànna 2014/2015 räschtoriart worra, fìr a Gsàmtkoschta vu 1,2 Millioona Öiro. Zitterhaar wìrd’s àui àls Müsee b’nutzt, fìr d’ G’schìcht vum La Salle un vu da Schüalbriader vorschtälla.

a pààr Bìlder

• 
  s’ Hüüs La Salle naawa-n-ema Fàchwarkhüüs, vu dr Rue de l’Arbalète har g’sah
• 
  s’ Toor
• 
  a Relief uff’m Toor
• 
  a grooss Fanschter
• 
  d’ Tààfla, fìr àn dr Johànnis Bàptist de La Salle ärìnnera
• 
  dr Schtaaga
• 
  d’ Schtàtüüta vum La Salle mìt’ma Kìnd
• 
  a Fràuijasüüla
• 
  d’ Schtàtüüta vu’ma Mànn, wo àui àls Süüla diant
• 
  Detail vu’ma Fanschter
• 
  ìm Hoof mìt’m Schtaaga
• 
  a Kàmiin

Lìteràtüür

• Aurélie Beaussart: Monuments de Reims vus autrement. À la découverte de l’hôtel de la Salle. In: L’Union. 26. August 2021 (französisch, lunion.fr [abgerufen am 4. Juni 2024]). 

Weblìnks

 Commons: Hôtel de La Salle (Reims) – Sammlig vo Multimediadateie

• Websitta vum Hôtel de La Salle (frànzeesch)
• Geburtshüüs vum Johànnis Bàptist de La Salle ìn dr Base Mérimée vum frànzeescha Kültüürminìschterium (frànzeesch)
• Hôtel de La Salle. In: Structurae (französisch).

Ainzelnoohwiisa

49.256744.03229