Gymnasium Lieschtl

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Gymnasium Liestal
Schueltyp Gymnasium
Adrässe Gymnasium Liestal
Friedensstrasse 20
Postfach
4410 Liestal
Gründigsjohr 1970
Schüelerzahl ~ 1100
Lehrerzahl ~ 170
Rektor Thomas Rätz
Website www.gymliestal.ch
Dialäkt: Baseldütsch

S Gymnasium Lieschtl isch s Gymnasium vo dr Region Lieschtl und het sis Iizugsgebiet in dä Baselbieter Bezirk Wolbrg, Sissach und teilwiis Lieschtl. Baut wordä isch es 1970. Es het momentan über rund 60 Schulzimmer, 24 drvoh sin im Momänt in Container unterbrocht, do im Schuälhus baut wird.

Bau[ändere | Quälltäxt bearbeite]

Architäktur[ändere | Quälltäxt bearbeite]

S Gymnasium Lieschtl isch 1970 baut wordä, es wiist ganz typischi Merkmal uuf vo derä Ziit, em Brutalismus, zum Bispiel die verschachtleti Bauwiis mit dä geometrischä Formä und dä nacktä Betonwänd ussä und innä.

Wo d Kapazitätä vom ursprünglichä Gebäude nümmä glängt hän, isch en Aabau mit 5 Schuelzimmer, Büros und em Kraftruum erstellt wordä. Au dr «Liechthof», dr jetztig Schuälrarbetsruum isch zu derä Ziit entstandä. Ufgrund vo no grösserem Platzmangel het mä dennä spöter no zwei Pavillons baut, dert drin häts 11 Zimmer.

Gebäudä hüttä[ändere | Quälltäxt bearbeite]

Grob cha mä s Gym in vier Träkt ufteilä: Dr fünfstöckigi Spezialltrakt (mit Zimmer für Bildnerischs Gstalltä, Chemie, Biologie und Physik), dr Klassäzimmertrakt (31 Zimmer für Fächer wie Mathematik, Dütsch u.s.w.), dr Trakt mit dä Musiggzimmer und dr Aula. Dennä git s no dr Turnhallätrakt mit zwei Sporthallä; die sin 2011/2012 neu baut wordä. Am Gymnasium Lieschtl git s au ä Mensa.

Saniärig[ändere | Quälltäxt bearbeite]

Zwüsche 2009 und 2011 isch d Gebäudehüllä saniert und vo Asbest befreit wordä. D Zimmer, wo wäggfallä, het mr dur Container-Schulzimmer ersetzt.

Laag[ändere | Quälltäxt bearbeite]

S Gymnasium Lieschtl ligt, wie s dr Namä scho sait, z Lieschtl. Lieschtl ligt an dr Iimündig vom Fränkätaal ins Ergolztaal. Us denä beidä Täler chunnt au ä Grossteil vo dr Schüälerschaft.

Als eini vo wenige Lieschtler Schuälä isch s Gym uf em'nä Hügl baut wordä: In dr Bodämattä, uf em Hügel linkerhand flussabwärts (Südsiitä vom Ergolztaal). Es git kei diräktä Aaschluss an ÖV, dr Bahnhof Lieschtl isch abr nit wiit äwäg.

Schuälbetrieb[ändere | Quälltäxt bearbeite]

Momentan wärdä am Gym öppä 60 Klassä unterrichtet. Diä hochi Zahl chunnt dodurä zstand, dass im Gebäude au d Fachmaturitätsschuäl (FMS) unterbrocht isch. Die öbbe 1'100 Schuäler chömmä hauptsächlich us dä Bezirk Sissach, Wolbrg und Lieschtl. Dä Schüäler stooht ä Bibliothek und ä Computerarbetsruum zur freiä Nutzig zue, ebäso en Arbetsruum und ä Kraft- und Gymnastikruum. S Gym Lieschtl wird vom'nä Räktr und fünf Konrektr(innä) gleität, in dr Bibliothek schaffä Bibliothekarinnä. Dr Unterricht wird vo rund 170 Lehrer ggää.

Als eini vo dä letztä Schuälä in dr Schwiiz wird am Gym Lieschtl au am Samschtigvormittag unterrichtet. Dr Grund dodrführ isch in erstr Liniä dr Platzmangel.

Quellä[ändere | Quälltäxt bearbeite]