Grundbegriffe der Psychologie von heute
| Grundbegriffe der Psychologie von heute | |
|---|---|
| |
| Orginalusgob | |
| Orginaltitel | Grundbegriffe der Psychologie von heute |
| Genre | Sachbuech |
| Autor | Hans Martin Sutermeister |
| Orginalsproch | Dütsch |
| Verlag | Elfenau Verlag Basel |
| Erschinigsjoor | 1976 |
| Aazahl Siite | 523 |
Grundbegriffe der Psychologie von heute isch es Sachbuech, wo der Hans Martin Sutermeister 1976 veröffentlicht het. Es basiert uf ere Vortragsreihe a der Volkshochschuel Bärn.[1]
„Wär einisch vo dere Lideschaft packt isch, ‘psychologisch’ de Sache uf e Grund z go, hinter d Fassade vom Alltagsläbe z luege, dä muess, wie bimene spannende Kriminalroman, witerläse. Wie n ich in ‘Psychologie und Weltanschauung’ früecher scho gschribe ha, isch aber Psychologie im Grund gno meh as das. Sie isch für dä, wo sich es umfassends Wältbild, e verantwortigsbewussti ‘Wältaschauig’ ufbaue will, um sim Läbesplan Sinn und e Richtig z gäh, e unerlässlechi Grundlag.“[2]
S Ziel vom Sutermeister isch gsi, die populäri Psychologie, wo sich hauptsächlech uf beschribendi Vermögenspsychologie konzentriert het, z kritisiere. Der Sutermeister het Bischpil us em tägliche Läbe gno und dorum isch sis Buech stellewis autobiografisch. Der Neurolog Otto Scrinzi het s Buech globt[3] und d Psychologin Rosemarie Doms hets as „Hilf für e psychologisch Laie“ bezeichnet.[4] D Psychologe Rémy Droz und Hans Szewczyk händs as unfreiwilligi Parodie vo der populärwüsseschaftleche Soziobiologie kritisiert.[5][6]
Weblinks
[ändere | Quälltäxt bearbeite]- Volltext i de „e-helvetica“ vo der Schwizerische Nationalbibliothek
- ES 208 (1): Em Sutermeister sis Handexemplar i der Burgerbibliothek Bärn
Quelle
[ändere | Quälltäxt bearbeite]- ↑ Sutermeister: Grundbegriffe der Psychologie von heute, 1976, S. 1.
- ↑ Sutermeister: Grundbegriffe der Psychologie von heute, 1976, S. 2. (us em Dütsche übersetzt)
- ↑ Otto Scrinzi: Rezension von ‚Grundbegriffe der Psychologie von heute‘. In: Ärztliche Praxis: Die Zeitung des Arztes in Klinik und Praxis. Band 29, Nr. 13, 12. Februar 1977, ISSN 0001-9534.
- ↑ Rosemarie Doms: Rezension von ‚Grundbegriffe der Psychologie von heute‘. In: Psychotherapie und medizinische Psychologie. Band 28, Nr. 5, 1978, S. 180.
- ↑ Rémy Droz: Rezension von ‚Grundbegriffe der Psychologie von heute‘. In: Psychologie: Schweizerische Zeitschrift für Psychologie und ihre Anwendungen. Band 35-36, 1976, ISSN 0033-2976, S. 317.
- ↑ Hans Szewczyk: Rezension von ‚Grundbegriffe der Psychologie von heute‘. In: Psychiatrie, Neurologie und medizinische Psychologie. Band 32, 1980, ISSN 0033-2739, S. 122.