Grafschaft Greyerz

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Disambig.svg Dä Artikel bschriibt di historischi Grafschaft Greyerz. Für alli andre Bedütige vo Greyerz lueg derte.

D Grafschaft Greyerz isch vom 11. Johrhundert bis 1555 e bedütends Herrschaftsgebiet in dr Westschwiiz gsi und und het s obere Saanedal umfasst. Im Johr 1555 isch si ufdeilt worde in zwei Vogteie, Greyerz und Saane. S Wappedier vo de Greyerzer isch dr Kranich (französisch la grue) gsi, wo hüte au uf em Wappe vo Greyerz isch.

S Schloss Gruyères

Lag und Usdehnig[ändere | Quälltäxt bearbeite]

Zum Kärngebiet vo der Grafschaft Greyerz het s ganze obere Saanedal vo dr Saanequelle im Beriich vom Sanetschpass bis zum hütige Lac de la Gruyère in dr Nöchi vo Broc und La Tour-de-Trême ghört. Au s Jaundal isch e Deil drvo gsi. S Gebiet vo dr Grafschaft isch vo Bärge gege d Ussewält abgschlosse gsi und ihre Mittelpunggt isch immer s Stedtli Greyerz gsi. D Grafschaft isch iideilt gsi in d Landvogteie Greyerz, Montsalvens und Vanel wo vo Burge mt de gliiche Näme beherrscht worde si. Erst spöter hai au Château-d'Œx und La Tour-de-Trême dr Status von ere Vogtei übercho.

Liste vo de Gräf vo Greyerz[ändere | Quälltäxt bearbeite]

D Herrschaft vo de Gräf vo Greyerz het öbbe 480 Johr duurt. 19 von ene si historisch beleit:

  • Wilhelm I.: 1075(?) - 1115
  • Raymond: 1115 - 1136
  • Wilhelm II.: 1136 - 1157
  • Rudolf I.: 1157 - 1196
  • Peter I.: 1196 - 1209 und Rudolf II.: 1196 - 1226
  • Rudolf III.: 1226 - 1270
  • Peter II.: 1270-1304
  • Peter III.: 1304 - 1342
  • Johannes vo Montsalvens: 1342 - 1365
  • Rudolf IV.: 1365 - 1403
  • Anton: 1403 - 1433
  • Franz I.: 1433 - 1475
  • Johannes III. vo Montsalvens: 1475 - 1492
  • Franz II.: 1492 - 1499
  • Franz III.: 1499 - 1500
  • Johannes I.: 1500 - 1514
  • Johannes II.: 1514 - 1539
  • Michael: 1539 - 1554 (dr letzt Graf vo Greyerz)

Weblingg[ändere | Quälltäxt bearbeite]

Information icon.svg Dä Artikel basiert uff ere fräie Übersetzig vum Artikel „Grafschaft_Greyerz“ vu de dütsche Wikipedia.

E Liste vu de Autore un Versione isch do z finde.