Dr Graabenegg-Brunne
Koordinate: 47° 33′ 33,8″ N, 7° 35′ 3,3″ O; CH1903: 610960 / 267640
.JPG)
| Dialäkt: Baseldütsch |
Dr Graabenegg-Brunne isch en öffentlige Brunne uf em Petersblatz uf dr Site vom Petersgraabe in dr Stadt Baasel. Er stoot sit 1915 under Dänggmolschutz und isch e Baasler Kulturguet, wo regionali Bedütig het.
Dr Brunne isch sit 1779 in Betriib. Si Naame het er vom Huus «Zum Graabenegg» überkhoo, wo 1767 baut worde isch.
Dr achteggigi Brunnedroog us Stäi isch äine vo de grösste in dr Stadt. Uf sine Kante het s Blüetemuster. Wisawii vom Brunnestogg het s e chliins Brunnedröögli. Uf em Brunnestogg stoot en Urne mit ere Knospe oobe druf.
Mä kaa im Brunne baade, aber wäge de vile alte Böim zringsume bekunnt er nid vil Sunne üüber.
Kwelle[ändere | Quälltäxt bearbeite]
- Grabeneck-Brunnen uf brunnenfuehrer.ch, abgrüeft am 22. Novämber 2014
- Basels schönste Bade-Brunnen uf bazonline.ch, abgrüeft am 22. Novämber 2014