Gottlieb-Handelsgesellschaft

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Gottlieb-Handelsgesellschaft mbH isch en ehmolige dytsche Lääbesmittelainzelhandelsunternäme mit Sitz z Fryburg. Di 1871 grindet Firma isch anne 1992 im Edeka-Konzärn ufgange.

Gschicht[ändere | Quälltäxt bearbeite]

Dr erscht Laade mit däm Name isch 1871 z Saarbrücken entstande no dr Ibernahm vun eme Gschäft dur dr Drächsler Ludwig Gottlieb. In dr Johr dernoo het er mit syne Sihn Ludwig jr., Heinrich Gottlieb un sym Schwiigersuhn Andreas Günther Friedrich (gnännt Fritz) Francke anderi Lääbesmittel- bzw. Consumgschäft ufgmacht. S Unternäme L. Gottlieb het scho vor em Erschte Wältchrieg vu St. Johann uus e Filialnetz mit iber 300 Lääde ufböue, wu vu Luxemburg iber Elsass-Lothringe bis uf Basel gangen isch. Noch em Erschte Wältchrieg sin d Gschäft z Elsass-Lothringen un z Luxemburg verlore gange. Di verblibene Dail vum Unternäme sin dur d Noochuu vum Familiezwyyg Francke im Saarland un dur die vu dr Familie Gottlieb im Ruum Fryburg unabhängig vonenander wytergfiert wore.

Anne 1969 isch d Saarbrücker Firma Gottlieb vum Fryburger Familiezwyyg ibernuu wore. Anne 1985 isch dr grescht Dail vum saarländische Zwyyg vum Unternäme mit rund 35 Filialen an d Tengelmann-Gruppe verchauft wore, wu d Standort unter dr Marke Plus wytergfiert het. Anne 1987 het di letscht Familiegsellschafteri, d Ellen Gottlieb-Schramm, dr verblibe Dail an di ehmolig Bremer Handelschette Kafu-Wasmund cverchauft, die het dr Name Gottlieb wytergfiert isch aber in dr Strduel vum Coop-Skandal grote. S Unternäme het au an d Tengelmann-Gruppe solle verchauft wäre, s Bundeskartellamt het aber 1989 dr Verchauf untersait.[1] 1992 het derno dr Edeka-Konzärn d Gottlieb-Filialen ubernuu un fiert si ´syterhär unter verschidene Edeka-Marke wyter. E baar Gschäft z Fryburg sin no ne Zytlang unter em Name Toplieb wytergfiert wore.

S Unternäme het zytwys iber 3.000 Mitarbaiter un 135 Filiale ghaa. Vor dr Ibernahm dur Edeka het s emänd ca. 600 Mio. DM Umsatz mit wichtige Märtstellige z Fryburg, z Ämmedinge, z Konschtanz un z Löörech gwirtschaftet.[2]

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Tätigkeitsbericht des Bundeskartellamtes 1989/90. Abgrüeft am 2012-09-11. (pdf; 4,5 MB, Seite 96)
  2. Tätigkeitsbericht des Bundeskartellamtes 1991/92. Abgrüeft am 2012-09-11. (pdf; 5,5 MB, Seite 117)
Information icon.svg Dä Artikel basiert uff ere fräie Übersetzig vu dere Version vum Artikel „Gottlieb-Handelsgesellschaft“ vu de dütsche Wikipedia.

E Liste vu de Autore un Versione isch do z finde.