D Gotthälfschuel Baasel

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
S Gotthälf
Dialäkt: Baseldütsch

S Gotthälf isch e Brimaarschuel am Gotthälfblatz 1 z Baasel. S Gotthälfschuelhuus isch e Baasler Kulturguet, wo für d Region vo Bedütig isch.

D Schuelgeböid[ändere | Quälltäxt bearbeite]

S Gotthälf bestoot us em Gotthälfschuelhuus, wo 1902 baut worde isch, em Gottfried-Keller Schuelhuus, eme Bavillion vo 1949 und eme Modulbau us em Joor 2006 em Baandamm nooch. Im August 2014 isch e zuesätzlige Bavillion für d Daagesstrukture ufdoo worde.

S Gotthälfschuelhuus isch vo de Archidekte Flück und Hünerwadel vo 1899 bis 1902 für s Gotthälfkwardier baut worde, wo sich wie dr Räst vo dr Stadt rasant entwigglet het. D Fassaade isch im Stiil vo dr Neorönessans ghalte, wääred s Innere im Juugedstiil usgstattet isch.

D Schuel[ändere | Quälltäxt bearbeite]

S Gotthälf bestoot us ere Kindergarte- und ere Brimaarstuefe. Öbbe 880 Kinder gönge do in Kindergarte und uf d Schuel. In dr Brimaarschuel het s 30 Klasse, und zwölf Kindergärte im Kwardier si dr Schuel aagschlosse. Mee as 140 Mitarbäitendi kümmere sich as Leerer und Betröier um d Kinder. Im ene Förderzentrum wärde Kinder sit 2007 indiwiduell gförderet.

Kwelle[ändere | Quälltäxt bearbeite]

47.5543805555567.5681277777778Koordinate 47° 33′ 16″ N, 7° 34′ 5″ O; CH1903: 609748 / 267082