Gilles Vanden Burre

Dr Gilles Vanden Burre (* 11. Janner 1978 z’ Woluwe-Saint-Pierre/Sint-Pieters-Woluwe, Regioon Brüssel-Hàuiptschtàdt) ìsch a belgischer Politiker vu dr Pàrtäi Ecolo. Ar ìsch sitter 2015 Mìtglìed ìn dr federààla-n-Àbgoordnetakàmmer un ìsch därt Laiter vu dr Ecolo-Groen-Fràkzioon sitter Oktoower 2020.

sii Laawa un Kàrriar

Dr Gilles Vanden Burre ìsch ìn siinera Geburtsschtàdt Woluwe-Saint-Pierre/Sint-Pieters-Woluwe bii Brüssel uffgwàcksa. Mìt 28 Joohra hàt’r sìch z’ Ixelles/Elsene nììdergloo. Ar hàt a Inscheniöörüüsbìldung bikumma un hàt 12 Joohra làng àls laitender Kàuifmànn ìm Bànk- un Ìndüschtriisäktoor gschàfft. Schpeeter ìsch’r Laiter vu’ma Brüsseler Grìnderzäntrum fìr Unternamma worra, wo d’ noochhàltiga-n-Äntwìcklung befärdra.

Ìn Politik ìsch z’äärscht dr Vanden Burre Sekretäär vu dr Pàrtäiàbtailung vun Ecolo z’ Ixelles/Elsene gsìì. Ìm Mai 2014 hàt’r sìch àn dr federààla Pàrlàmantswàhl uffgschtällt, àls äärschter Schtällvertratter vu dr Ecolo-Lischta vum Bezirk Brüssel. Ìm Jüüni 2015 ìsch’r federààla-n-Àbgoordnet’r worra, àls Noohfolger vu dr Zakia Khattabi, wo Pàrtäivorsìtzenda vun Ecolo worra-n-ìsch. Ìm Pàrlàmant ìsch’r Mìtglìed ìn da Üüssschìss fìr Wìrtschàft, Ìnfraschtrüktüür un Ìnnera/Juschtiz. Ar ìsch àui Mìtglìed ìn dr Sunderkummissioon um d’ Ààschlaag vum 22. März 2016.

Àn dr Pàrlàmantswàhl vum 26. Mai 2019 ìsch dr Vanden Burre àls Àbgoordnet’r wìedergwählt worra.^[1] Ìm Oktoower 2020 ìsch’r Fràkzioonslaiter vun Ecolo-Groen ìn dr Àbgoordnetakàmmer worra, nohdam àss dr Georges Gilkinet àls federààla Trànschportminìschter ärnännt worra-n-ìsch. Wahrend siinera zwaita-n-Àmtszitt ìsch’r Mìtglìed gsìì-n-ìm Finànz- un Hüüshàltsplàn-Üüssschuss, so wia-n-ìm Üüssschuss fìr Wìrtschàft, Verbàuicherschutz un Digitààles. Sitter Janner 2020 ìsch’r àui Mìtglìed ìm Mainungsüüssschuss um wìssaschàftliga un täcknoloogischa Frooga.

Dr Vanden Burre vertrìtt d’ Mainung, àss d’ Lehr vum Nììderlandischa-n-ìn da wallonischa Schüala-n-obligàtoorisch sìì soll.^[2]

Weblìnks

Dr Gilles Vanden Burre ìn dr Àbgoordneta-Dàtabànk vu dr Belgischa-n-Àbgoordnetakàmmer (frànzeesch, nììderlandisch)
Dr Gilles Vanden Burre uff dr Websitta vu dr Pàrtäi Ecolo (frànzeesch)
Ìm Gilles Vanden Burre siina offiziälla Websitta (frànzeesch)

Referanz

↑ V.Lh.: Gilles Vanden Burre : ” L’idée est de parler de fond avec la société civile”. BX1, 20. Juni 2019, abgruefen am 5. Juli 2022 (französisch).
↑ Frédéric Chardon: Écolo veut rendre le néerlandais obligatoire pour les élèves wallons. In: La Libre. 5. November 2021, abgruefen am 4. Juli 2022 (französisch).

Dä Artikel basiert uff ere fräie Übersetzig vu dere Version vum Artikel „Gilles_Vanden_Burre“ vu de französische Wikipedia. E Liste vu de Autore un Versione isch do z finde.

[1] V.Lh.: Gilles Vanden Burre : ” L’idée est de parler de fond avec la société civile”. BX1, 20. Juni 2019, abgruefen am 5. Juli 2022 (französisch).

[2] Frédéric Chardon: Écolo veut rendre le néerlandais obligatoire pour les élèves wallons. In: La Libre. 5. November 2021, abgruefen am 4. Juli 2022 (französisch).

[1]

[2]