Georges Wolinski

Us der alemannische Wikipedia, der freie Dialäkt-Enzyklopedy
dr Georges Wolinski (2007)

Dr Georges Wolinski (* 28. Juni 1934 z Tunis[1]; † 7. Jänner 2015 z Paris) isch e franzesische Comiczaichner gsii.

Lääbe[ändere | Quälltäxt bearbeite]

Dr Wolinski isch dr Suhn vun eme polnische Jud[2] un ere italienische Katholiki gsii. Anne 1946 isch er mit syne Eltere uf Frankrých chuu. No dr Schuel het er zerscht z Paris Architektur studiert, het s Studium aber abbroche. Derfir het er anne 1960 aagfange Comicstrip fir d Satrizytschrift Hara-Kiri z zaichne. Ab 1968 het er au fir s Satiremagazin L’Enragé gschafft un ab 1970 fir Actuel. Ab 1971 isch er Schefredakteur vum Magazin Charlie Mensuel gsii, derzue het er ab 1977 regelmäßig Cartoon fir d Dageszytig L’Humanité zaichnet. Au in dr Zytschrifte France Soir un Charlie Hebdo, em Noofolger vu Hara-Kiri, het er Cartoon publiziert.

Sy bekanntescht Wärch isch d Serie Paulette, wun er ab 1971 as Autor zämme mit em Zaichner Georges Pichard entwicklet het.

Dr Wolinski isch am 7. Jänner 2015 bim Terroraaschlag uf d Redaktion vu Charlie Hebdo z Paris ermordet wore.[3] Bim glyche Aaschlag sin au dr Charb, dr Cabu, dr Tignous, dr Honoré, dr Bernard Maris, d Elsa Cayat un fimf wyteri Mänsche, dodrunder zwee Bolizischte, um s Läbe chuu.[4]

Wärch (Uuswahl)[ändere | Quälltäxt bearbeite]

  • Paulette, Zaichnige vum Georges Pichard
    • Paulette Tome 1, 1971
    • Paulette Tome 2, 1972
    • Le mariage de Paulette, Le Square, 1974
    • Paulette en Amazonie, Le Square, 1975
    • Ras-le-bol-ville, Le Square, 1975
    • Le cirque des femmes, Le Square, 1977
    • Les Pensées, Le Square, 1981
    • Paulette, Dargaud, 1984

Uuszaichnige[ändere | Quälltäxt bearbeite]

  • Grand Prix de la Ville d’Angoulême uf em Festival International de la Bande Dessinée d’Angoulême (2005)

Weblink[ändere | Quälltäxt bearbeite]

 Commons: Georges Wolinski – Sammlig vo Multimediadateie

Fueßnote[ändere | Quälltäxt bearbeite]

  1. Churzporträt vum Georges Wolinksi uf comic.de Archivlink (Memento vom 7. Septämber 2009 im Internet Archive)
  2. Charlie Hebdo. Zeichner Georges Wolinski unter den Opfern, Jüdische Allgemeine, 7. Januar 2015
  3. Attentat à "Charlie Hebdo" : les dessinateurs Charb, Tignous et Wolinski sont morts - OZAP (French)
  4. Blutbad in Paris NZZ, Artikel vum 7. Jänner 2015