Sankt Georg

Us der alemannische Wikipedia, der freie Dialäkt-Enzyklopedy
Dr Traachetöter, es Bild vom August Macke vo 1912)

Dr heilig Georg (* im 3. Joorhundert; † 23. April um 303) isch e chrischtleche Heilige, wo – wies d Legände vezellt – under em röömische Kaiser Diokletian i dr Provinz Palästina als Märtürer gstorbe isch.

Gschicht[ändere | Quälltäxt bearbeite]

Sid der Eroberig vo Jerusalem bim erschte Chrüüzzug isch dr heilig Georg als Schutzpatron vo de obeländische Ridder vereert worde. Dr Georg zellt zu de Vierzää Nothälfer, und er isch dr Schutzpatron vo Länder, vo Stedt, vo adlige Familene und vo Ridderorde. Dr Vorname «Georg» isch z Europa sid em Middelalter immer sehr beliebt gsi.

Sys Symbol isch s Georgschrüüz, es roots Chrüüz uf wyssem Hindergrund. Er wird au gärn als Ridder im Kampf mid emene Traache abbildet. E Relikwie vom Heilige wird sid em Joor 896 im Georgschloschter uf dr Rychenau ufbewaart. S Chloschter Sant George im Schwarzwald isch under em Yfluss vo dr Rychenau im 11. Joorhundert entstande. Dr Fyrtig vom heilige Georg isch dr 23. April.

Bilder[ändere | Quälltäxt bearbeite]

Literatur[ändere | Quälltäxt bearbeite]

  • Herbert Donner: St. Georg in den großen Religionen des Morgen- und Abendlandes. Göttingen 1983.
  • Clemens Jöckle: Der heilige Georg: Legende, Verehrung und Darstellungen; der edle, leuchtende Stern aus Kappadozien. Kehl/Rhein 2008.

Weblink[ändere | Quälltäxt bearbeite]

 Commons: Georg (Heiliger) – Sammlig vo Multimediadateie