GastroSuisse

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

GastroSuisse isch dr Verband vo den Arbetgääber im Schwiizer Gaschtgwäärb. Er het syn Sitz z Züri-Affoltere.

D Organisazioon isch ane 1891 mit em Name Schwiizer Wirteverband gründet worde. Er isch rächtlich als Verein strukturiert. Und es isch au e Tachverband, wil die einzelne Mitgliider – das sind d Hotäll, d Gaschthööf, Wirtschaften und Kafistube – bi de kantonale Underverbänd sind. D Kantonalgruppe schicke Lüüt a d Delegierteversamlig, wo s oberschte Orgaan vo GastroSuisse isch.

GastroSuisse tuet dr Nachwuchs uusbilde, hilft de Mitgliider mit Berootig und Wärbig, und er het en Fachverlag, won er Büecher zu alne Frooge vo dr Gastronomy usegitt. Dr Verband füert die beede Hotällfachschuele i dr Ängi z Züri und z Gämf. Und er het für syni Migliider die nötige Sozialversicherige.

Weblink[ändere | Quälltäxt bearbeite]