Gabriel Andres

Us der alemannische Wikipedia, der freie Dialäkt-Enzyklopedy

Dr Gabriel Andres (* 25. Febber 1925 z Erschtei; † aafangs Septämber 2016 z Stroßburg) isch e Stroßburger Müssiker un e autonomischtische Schriftsteller un Politiker gsi.

Läbe[ändere | Quälltäxt bearbeite]

Dr Gabriel Andres, e elsässische Autonomischt

Dr Gabriel Andres isch am 25. Febber 1925 z Erschtei uf d Wält kumme. Si Vatter isch Schuelmeischter gsii; wu dr Gabriel 5 Johr alt gsii isch, isch d Familli uf Stroßburg umzoge. Vu sinem Vatter het er s Gigespiile glehrt un het scho ase jung dr Wunsch gha, Giigespiiler z wäre. 1942 het er z Stroßburg s Abitür gmacht.

1943 isch er zerscht in dr ditsch Arbeitsdiänscht un drno zu dr Wehrmacht iizoge wore un an verschiidene Ort im Iisatz gsii. 1944 het er im e Ürlaüb z Vorarlbärg Kontakt zu Wiiderständler bikumme un isch mit däne ihrere Hilf iber s Gebirg iber d Liächtesteiner Gränz un in d Schwiz kumme.

1945 het er afange Jura stüdiäre, si Beruefswäg isch aber in d Müssik gange; siter 1950 isch er ins Stroßburger Stedtisch Orcheschter (speter umbnännt in Philharmonischs Orcheschter, noch speter in Orchestre National) iidrätte un as Giiger engagiärt gsii. Siter 1983 isch e in Friähpension gsi.

Aafangsa Septämber 2016 isch er im Alter vu 91 Johr gstorbe.

Politischi Arbet[ändere | Quälltäxt bearbeite]

Dr Gabriel Andres isch Mitgliid vu der Elsässische Volksunion (EVU) sitter dr Afäng vu däre Partei anne 1988. Langi Johr (bis 2007) isch er im Vorstand gsii. Dr isch ab 1989 Redakteer vu dr Zitschrift Rot un Wiss gsii. 1997 het er as Chefredakteer e Brozäss bikumme – wäge me Artikel in dr Rot un Wiss Nr.209, März 1995, wu drin Tatsache im Zämmehang mit em KZ Struthof gleignet wore sii solle. Do isch er as Chefredakteer zruckdrätte, zum diä andere Mitarbeiter vu Rot un Wiss „üs em Grizfiir vu dr Mediä“ rüszhalte. In dr zweite Inschtanz isch er aber freigsproche wore.[1]

Publikatione[ändere | Quälltäxt bearbeite]

  • E Hüffe Artikel in dr Zitschrift Rot un Wiss

Sini Biächer:

  • Joseph Rossé – itinéraire d’un Alsacien ou le droit à la différence. Jérôme Do Bentzinger 2003
  • L'orchestre philharmonique de Strasbourg
  • La débande de l’État centralisateur
  • Histoire de l’Épuration en Alsace-Lorraine, Colmar 2006, ISBN 2-84960-091-1

Weblink[ändere | Quälltäxt bearbeite]

Quälle[ändere | Quälltäxt bearbeite]

  1. Harald Noth: Rufmord an einer demokratischen Stimme. (Zum Brozäss gege dr Gabriel Andres)