Fuessbilz

Us der alemannische Wikipedia, der freie Dialäkt-Enzyklopedy
Fuessbilz

Dr Fuessbilz isch e Bilzinfekzioon vo de Füess dur Faadebilz (Dermatophyte), bsundrigs zwüsche de Zeeche (Tinea pedis interdigitalis, Interdigitalmykose) und Fuesssoole (Tinea pedis, au Tinea pedum).

Ursache[ändere | Quälltäxt bearbeite]

Dr Fuessbilz wird vo Faadebilz (Dermatophyte) verursacht, wo Hornmaterial (Neegel, Hoor) befalle und sich hauptsächlig zwüsche de Zeeche aasidle. Mäistens si Trichophyton rubrum, Trichophyton mentagrophytes var. interdigitale oder Epidermophyton floccosum d Uslööser.[1] Persoone mit Diabetes mellitus oder Durbluetigsstöörige häi e hööchers Risiko für Fuessbilz oder Naagelbilz.

Äigentlig isch dr Erreeger vom Fuessbilz für e Mensch ungföörlig. Wenn aber e Befall nid behandlet wird, cha die natürligi Abweer vo dr Hut so wit gschwecht wärde, ass es zun ere Streptokokkeninfekzioon chunnt, wo sich dur e Wundrose bemerkbar macht. Das isch denn aber e schweeri Hutinfekzioon, wo mänggisch vo hoochem Fieber begläitet wird und stationär behandlet wärde muess. Dr Fuessbilz macht au d Infekzioon mit eme Naagelbilz äifacher, wenn s zur Zit vo dr Chrankhet am Fuess an de Zeecheneegel Riss oder offnigi Stelle het.

Litratuur[ändere | Quälltäxt bearbeite]

  • Peter Altmeyer, Martina Bacharach-Buhles: Enzyklopädie der Dermatologie, Venerologie, Allergologie, Umweltmedizin. Band 2: M – Z. 2., vollständig überarbeitete Auflage, Springer, Berlin/ Heidelberg 2010, ISBN 978-3-540-89543-5, Kapitel: Tinea pedum. (online).

Weblingg[ändere | Quälltäxt bearbeite]

 Commons: Athlete's foot – Sammlig vo Multimediadateie

Fuessnoote[ändere | Quälltäxt bearbeite]

  1. Irene Weitzman, Richard S. Summerbell: Dermatophytes. In: Clinical Microbiology Revies. (Clin. Microbiol. Rev.) Nr. 8, April 1995, S. 240–259. ((PdF)).
Gsundheitshiwiis Bitte tue de Hiwiis zu Gsundheitsthemene biachte!