Fritz Gallati
Dr Fritz Gallati (* 24. Merz 1935 z Lachen SZ ; † 25. Oktober 2020 z Lieschtel BL[1]) isch e Schwyzer Velorännfahrer gsii. Är isch fir dr Veloclub Rhyfälde gfahre.
Läbe
[ändere | Quälltäxt bearbeite]Anne 1954 het dr Fritz Gallati mit em Velorännsport aagfange[2], aagregt dur di internationale Erfolg vu dr Schwyzer Velorännfahrer Hugo Koblet, Ferdy Kübler un Fritz Schär. Sy Vater het s em verbote, Veloränne z fahre, un het verlangt, ass dr Gallati zerscht sy Lehr as Sanitärinschtallateur abschließt. Hinter em Rugge vum Vater het er aber ainewäg aagfange, Junioreränne z fahre, het aber au sy Lehr fertiggmacht. Zue dr Arbet isch er alliwyl vu sym Wohnort Mumpf us mit em Velo uf Basel e Strecki vu 40 Kilometer gfahre, was em glychzytig as Training dient het. Mit sym Siig bim Bryys vum Zürichsee 1956 het er si fir di domolig schwyzerisch A-Klasse vu dr Amateur qualifiziert.[2]
Anne 1956 isch dr Fritz Gallati fir d Schwyzer Nationalmannschaft vu dr Amateur nominiert wore, 1958 isch er Schwyzer Vize-Maischter im Stroßeränne vu dr Amateur un Zweete vu dr Stausee-Rundfahrt Chlingnau wore un het di renommiert Kaistenberg-Rundfahrt gwunne. Im nämlige Johr isch er au zum erschte Mol bi dr UCI-Stroßewältmaischterschaft derby gsii, het dert aber vyl Bäch ghaa un isch noch e baar Defäkt 69. wore. Nodäm er no e baar Ränne as Amateur bstritte ghaa het, isch er im Friejohr 1959 zue dr Profi[3] iberdrätte un isch bi dr Schwyzer Stroßemaischterschafte uf Blatz drei chuu. Sy erscht Start bi dr Wältmaischterschafte vu dr Beruefsfahrer het en uf Blatz 44 brocht. Är isch bi dr große Rundfahrte un Klassiker aadrätte, sy beschti Blatzierig isch dr 15. Platz 1961 bi Mailand–Sanremo gsii. 1960 het er si entschide bi dr Steher z starte un isch diräkt Zweete vu dr nationale Maischterschaft wore. 1961 het dr Gallati dr Schwyzer Maischtertitel vu dr Steher gwunne, 1962 un 1965 het er där Erfolg chenne widerhole. 1961 isch er d Tour de France in dr kombinierte Mannschaft Schwyz/Luxemburg gfahre. Är isch d Tour bis Paris z Änd gfahre un isch 63. wore.[4]
Bsunders Ufsää erregt het en Vorfall um dr Gallati bi dr UCI-Bahn-Wältmaischterschafte 1961 vor haimischem Publikum z Züri: Bim Steher-Ränne het er wäg Doping e Zusammenbruch, schwebte in Lebensgefahr, und die Ärzte konnten erst in letzter Minute sein Leben rämebruch erlitte. Dr Gallati sälber isch derno fir drei Monet, drei vu syne Bedreier bis Ändi 1966 gspeert wore, eme vierte syner Ländig d Lizänz entzoge.
Anne 1965 het dr Fritz Gallati ufghert mit syre Velosport-Karriere.[2]
No sym Karriereänd het er bis zue syre Pensionierig in sym glehrte Beruf gschafft. In syre Freizyt isch er as Clown „Balloni“ ufdrätte.
Weblink
[ändere | Quälltäxt bearbeite]- Fritz Gallati in der Datenbank von ProCyclingStats.com
- Fritz Gallati in der Datebank vo Radsportseiten.net
- D „Fritz Gallati Story“ uf radrennclubbasel.ch
- dr Fritz Gallati bim Veloclub Rhyfälde
Fueßnote
[ändere | Quälltäxt bearbeite]- ↑ Club-Zeitung 2020. In: radrennclubbasel.ch. Abgruefen am 29. Oktober 2020.
- ↑ 2,0 2,1 2,2 Schweizerischer Radsportverband (Hrsg.): SRB-Kalender 1965. Grenchen 1965, S. 131.
- ↑ Schweizerischer Radsportverband (Hrsg.): SRB-Kalender 1961. Grenchen 1961, S. 73.
- ↑ Tour Encyclopedie 1954-1965. Uitgeverij Worldstrips, Gent 1999, S. 129.
|
Dä Artikel basiert uff ere fräie Übersetzig vu dere Version vum Artikel „Fritz_Gallati“ vu de dütsche Wikipedia. E Liste vu de Autore un Versione isch do z finde. |