Die Freiwilligi Akademischi Gsellachaft, Basel
| Dialäkt: Baseldütsch |
Die Freiwilligi Akademischi Gsellschaft, abkürzt FAG, isch e Veräin z Baasel, wo die wüsseschaftligi Bildig und Forschig im Allgemäine förderet, aber bsundrigs d Uni Baasel und wüsseschaftligi Baasler Sammlige understützt. Si isch an dr Elisabethestrooss 2 dehäi.
D FAG hüte[ändere | Quälltäxt bearbeite]
D FAG het zur Zit öbbe 1'200 Mitgliider. Iir Vermööge chunnt hauptsächlig vo Spände, Schänkige, Legaat und de Zinse drus.
Gschicht[ändere | Quälltäxt bearbeite]
Dr Baasler Rootsher Andreas Hüüsler-Ryhiner het 1835 d Gründig vo dr FAG aagstoosse, wil die finanzielli Laag vo dr Stadt noch dr Kantoonsdäilig und de Uszaalige an dr Kanton Baasel-Landschaft miseraabel gsi isch. Dr Grooss Root het aber äinewäg beschlosse, ass d Uniwersidäät en öffentligi Instituzioon wurd bliibe. Dr Hüüsler zämme mit andere het dorum am 20. April zur Gründig von ere Gsellschaft ufgrüeft, wo Spände wurd sammle zum d Dozänte vo dr Uni chönne zaale, wüsseschaftligi Sammlige usbaue und dr Öffentlikäit wüsseschaftligi Forschigsergäbnis zuegänglig mache. Dank dere Gsellschaft het 1874 s Bernoullianum, 1884/85 s Vesalianum, 1886 dr Botanisch Gaarde oder 1901 d Uniwersidäätsbibliothek Baasel chönne baut wärde.[1]