Freinet-Pädagogik

D Freinet-Pädagogik [fʀeˈnɛ-] isch e pädagogischi Bewegig. Si ghört zu de Reformpädagogik und isch 1920 vom Célestin Freinet z Frankriich gründet worde. Zäme mit sinere Frau, de Elise Freinet hät er probiert, d Schuel vo ine z verändere. Im Mittelpunkt vo der Freinet-Pädagogik isch immer s Chind.

De Gründer vo de Freinet-Pädagogik, de Célestin Freinet (1896-1966) isch en französische Leerer gsi. Er hät es Konzept entwicklet, won d Chind sälber schaffe tüend. Da dezu gits verschidnigi Wärchzüg und Arbetsegge, won d Chind eläige oder i chline Grüppli schaffed. S sälbständige Lärne funktioniert bim Freinet i allne Fächer: Wüsseschaft, Technologie, Huusufgabe, Kunst, Spraach oder Mathematik. Leerer won mit de Freinet-Pädagogik schaffed gits vor alem z Frankriich, z Belgie, z Holland, aber au z Tüütschland, z Öschtriich oder i de Schwiiz und i vilne andere Länder.

Eigenschafte

S Klassezimmer isch ufteilt i "Atelier", aso Arbetsegge zu verschidene Themene.
Jedes Chind häd en individuelle Arbetsplan, wos mit dem Leerer äinisch pro Wuche bespricht.
D Arbetsbibliothek mit villne Sachbüecher und Tonträger zum Forsche.
Karteicharte wo d Chind sälber chönd lärne und korrigiere.
E Schueldrukkerei, won di äigete Text gsetzt und trukt wärded.
E Wandziitig.
Freie Uusdruk.
En offne Stundeplan.
De Schwärpunkt isch bi de individuelle Arbet vo de Schüeler.
Einisch pro Wuche läset d Chind iri freie Text vor.

Weblinks

https://web.archive.org/web/20170629222518/http://freinet.paed.com/ En umfangriichi Siite über Freinet-Pädagogik (tüütsch)
https://web.archive.org/web/20170613053641/http://fffp.de/ Forschigsstell für Freinetpädagogik vo de Universität Kassel
https://web.archive.org/web/20170820200053/http://freinet-kooperative.de/ Freinet-Verband z Tüütschland
https://web.archive.org/web/20170604094719/http://schuldrucker.de/ Schueldrucker z Tüütschland
https://web.archive.org/web/20170731184303/http://www.freinet.ch/ Freinet-Verband i de Schwiiz
https://web.archive.org/web/20150814065643/http://www.freinet.org/ Internationale Verband (französisch)
Freinet-Pädagogik im Südtirol