S Freije Theater Baasel
| Dialäkt: Baaseldütsch |
S Freije Theater Baasel isch s Danzstudio vom Danzbüro Baasel an dr Güeterstrooss 145 im Baasler Gundelikwardier. Si Ziil isch s, e Blatz für zum Schaffe und Experimentiere für freischaffendi Büünekünstler us alle Sparte si.[1] Im Freije Theater git s verschidnigei Danzkürs,[2] Konzärt und anders.
S Studio het e Fuäjee, WC und Duschi. Dr Danzruum isch öbbe 120 m² grooss und het e Schwümmparkettboode, wo d Glänk schoont. Es isch usgstattet mit Ballettstange, Gümnastikmatte, Schiinwärfer, eme Flüügel und eme CD-Spiiler mit Mischpult und Lutsprächer und cha gmietet wärde.[1]
S Danzbüro Baasel
[ändere | Quälltäxt bearbeite]S Danzbüro Baasel isch e gmäinnützige Veräin. Er isch 1993 as d Inträssegmäinschaft IG Tanz gründet worde. 1999 isch s Danzbüro Baasel am Claragraabe as Informazions- und Berootigsstell ufdoo worde und isch e Dräffpunkt vo dr Danzszeene in dr Region. Dr Veräin het öbbe 150 aktivi Mitgliider und GönnerInne und wird vom ene Bresidium und eme säggschöpfige Vorstand gläitet.[3]
Fuessnoote
[ändere | Quälltäxt bearbeite]- ↑ 1,0 1,1 Freies Theater Basel uf tanzbuero-basel.ch, abgrüeft am 10.1.2013
- ↑ Freies Theater Basel Archivlink (Memento vom 11. Juli 2012 im Internet Archive) uf migun.ch, abgrüeft am 10.1.2013
- ↑ Das Tanzbüro Basel (IG Tanz), abgrüeft am 10.1.2013