Friburger Mundartgruppe

Logo vu dr Friburger Mundartgruppe

D Friburger Mundartgruppe (Freiburger Mundartgruppe e. V. oder au Theater der guten Laune) isch e Laievolkstheatergruppe vu Friburg, wu alljohr 1 bis 2 Stuck uf Alemannisch uffiere. Di maischte Vorstellige finde in dr May-Bellinghausen-Halle im Friburger Stadtdail Hasle statt, s git aber au als Uffierige in verschidene Ortschafte im Brisgau un driber nus.

Gschicht

D Schauspieleri Elfriede Dierkes

De Vater vu de Elfriede Dierkes geb. Bartosch (1920-2013), dr Wilhelm Bartosch, het zämme mit em Désiré Lutz anne 1924 s Laietheater Elsässische Theater im Breisgau grindet, wu noch em Zweete Wältkrieg als „Alemannische Heimatbühne Freiburg i. Br.“ nei grindet wore isch un sit 1962 „Alemannische Bühne Freiburg e. V.“ haißt. D Elfriede Dierkes het scho ab 1932 in sällem Dialekttheater als Schauspileri mitgmacht un au ab 1950 wider bis 1954, wu si Mueter wore isch.

Grindung vu de Freiburger Mundartgruppe

D Elfriede Dierkes het 1958 schließlig e aige Ensemble grindet, d Friburger Mundartgruppe. Entstande isch die Gruppe, wu de 1. Freiburger Handharmonika und Akkordeonclub in sällem Johr s 30. Jubiläum gfiirt het un zue dem Aaloss e Theaterstuck het solle ufgfiert wäre. D Elfriede Dierkes het des Laiethater langi Johr glaitet, unterstitzt vu ihrem Maa, em Hans Dierckes, wu anne 1989 gstorbe isch. D Dierkes het in de Fribuger Mundartgruppe no bis zum Johr 2000 mitgspielt un het si bis anne 2005 glaitet. Am 29. März 2013 isch d Elfriede Dierkes im Alter vu 92 Johr gstorbe.

Vorstand

Vorstand vum Verain Freiburger Mundartgruppe e. V. (Stand: Jänner 2024):

• Ehrenpräsi: Edgar Müller
• Ehrenvorsitzender: Hansjörg Laufer
• 1. Vorsitzende: Patrick Grober
• 2. Vorsitzende: Maximilian Kottler
• Zueschtändig für's Geld: Markus Schwörer
• Bihnemaischter: Gerold Ohlsen
• Schriftfiereri: Silvia Gerber
• Spilerverdretteri: Charlotte Kottler
• In memoriam: Elfriede Dierkes (Ehrevorsitzendi)

Uffierige

D Stuck, wu d Friburger Mundartegruppe uffiert, sin luschtigi Kummedine, vilmol alemannischi Ibersetzige vu andre Stuck. Charakteristisch isch, dass alli Schauspiler in ihrem aigene alemannische Dialekt schwätze. Brobe duet d Mundartgruppe in dr May-Bellinghausen-Halle z Hasle, wu si au di maischte Uffierige hän. Jedes Stick wird uugfähr 15 mol vum Oktober bis zu em März ufgführt. In de Mundartgruppe hän sich uugfähr 25 Lit im Alter vu 19 bis 89 Johr gfunde, wu uf un hinter de Bihni wirke. D Requisite un d Kulisse werre in de May-Bellinghausen-Halle ufbhalte.

Regisseure

D Elfriede Dierkes het au langi Johr als Regisseuri d Stuck inszeniert. In dr Spilzitte 2003/04 bis 2006/07 un au 2009/10 sin d Stuck inszeniert wore vum Benito Gutmacher. 2007/08 un 2008/09 het d Tina Tritschler Regie gfiert, wu 1997 als Schauspileri in d Mundartgruppe kumme isch. De Olaf Creutzburg het scho inszeniert Stuck Fleischkäs un rodi Schtrapse in dr Saison 2010/11, Männer sin au nur Mensche in dr Saison 2011/12 un Ferie uf em Zeltplatz in de Saison 2013/2014.

Theaterstuck

2023/24: Zwische Himmelrich un Hölletal 2022/23: Bi uns klemmnt nix 2019/20: Nei, e Schwob kummt mer nid ins Huus 2018/19: Liebeslust statt Ehefrust 2017/18: Liebi, Lüge, Läberwurscht 2016/17: E Frau für jedi Siduation 2015/16: Kurschatte, Schpähner un saftigi Schiifile 2014/15: Ätsch, mir mache e Bank uf 2013/14: Ferie uf em Zeltplatz 2012/13: ... un de Tag kann kumme 2011/12: Männer sin au nur Mensche 2010/11: Fleischkäs un roti Schtrapse 2009/10: D'zweibeinig Bauplatz 2008/09: E Millionär muss her 2007/08: Uf un devu nach Mallorka 2006/07: Lieber a Ma wie gar kei Ärger 2005/06: S'isch alles nur e Schpiel 2004/05: Hurra, e Bue! 2003/04: Bi uns sin sie richtig! 2002/03: D'Wieber sinn halt doch die bessere Männer 2001/02: S'wird gloge, dass sich d'Balge biege 2000/01: Richi Litt sin gizig 1999/00: E verruckts Wocheend

1998/99: E Buddel Zwetschgewasser 1997/98: D'Pariser Reis 1996/97: De Millionär 1995/96: Verflixte Burgermeischterwahl 1994/95: Bi uns klemmt nix 1993/94: Blaus Bluet un Flädlisupp - E Buddel Zwetschgewasser 1992/93: De Hirotshandel 1991/92: In's Ropfers Apothek - De falsch Liebhaber 1990/91: In's Ropfers Apothek - Drei Freier - De selig Florian 1989/90: Drei Freier - D'nackig Wohret 1988/89: An d'Lätz grote - Dicki Luft am Flückigersee 1987/88: E Buddel Zwetschgewasser 1986/87: Heiratsvermittlung Anglerglück - Dicki Luft in de Landesgarteschau 1985/86: D'Madam un d'Magd 1984/85: Petri Heil 1983/84: Drei Freier 1982/83: De selig Florian 1981/82: De schwarz Schwindel 1980/81: Heiratsvermittlung Anglerglück 1979/80: De schwarz Schwindel

1978/79: Alibi 1977/78: Gaudi für's Jubiläum 1976/77: D'zweibeinig Hypothek 1975/76: D'Schnapsflasch 1974/75: Böösi Müler 1973/74: Jetz schlagt's 13 1972/73: Für d'Dochter e Maa 1971/72: Petri Heil 1970/71: D'Madam un d'Magd 1969/70: De selig Florian 1968/69: So e Schussel 1967/68: De Rechne un si Wieb 1966/67: D'Schnapsflasch 1965/66: E Kuhhandel 1964/65: An d'Lätz grote 1963/64: De Unkel Christoph 1962/63: D'zweibeinig Hypothek 1961/62: Für d'Dochter e Maa 1960/61: De selig Florian 1959/60: Gepäckträger Linsemann 1958/59: E Frau muess ins Huus

Befrindeti Verain un Theater

Bi de Hundertjohrfeier vum Verein der Badener von Hamburg und Umgebung sin si im Oktober 2013 ufftrete, un mit em Elsässische Theater z Colmar (Théatre Alsacien Colmar TAC) hän si ne frindschaftlige Uusdusch.

Weblink

• Freiburger Mundartgruppe e. V.
• Erfolge auf der Bühne und im Becken, Badische Zeitung (25.10.2010)
• Video zum Dod vu dr Elfriede Dierkes uf alemannisch.de