Fryburger Bachchoor

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Fryburger Bachchoor isch e Oratooriechoor in dr Stadt Fryburg im Brysgau. Sy Repertoire umfasst en Grooßdail vu dr wiichtige oratoorische Literatur vum 18. bis 20. Joorhundert. Derzue singt dr Choor au A-cappella-Wäärch.

Gschiicht[ändere | Quälltäxt bearbeite]

Dr Bachchoor isch m Wintersemschter 1943/44 vum Theodor Egel grindet woore. Dr Egel isch us ere Millemer Chaufmannsfamilie chuu un het z Berlin Musik studiert ghaa. Wun er 1943 noch ere Verwundig us em Chrieg retuur chuu isch in sy Haimet, het er an dr Universiteet Fryburg per Uushang Studänt*ine gsuecht go d Matthäuspassion vum Johann Sebastian Bach as Zaiche vum Friide un Geegegwiicht zum Chrieg uffiere. Am 5. Meerz 1944 het dr nei grindet Choor im Fryburger Minschter s Wäärch ufgfiert. Im Lauf vu dr Joor hän si d Uffierig vu dr Matthäuspassion un dr Johannespassion vum Bach im Minschter as Dradizioon etabliert, wu bis hite fuurtgfiert wird.

Dr Egel het dr Choor 39 Joor lang glaitet, anne 1983 het dr Hans Michael Beuerle d Laitig ibernuu. Noch em Dood vum Hans Michael Beuerle am 15. Jänner 2015 het dr Wolfgang Schäfer fir e Iibergangszyt dr Choor glaitet, im Meerz 2016 isch schließli dr Hannes Reich zum neie chinschtlerische Laiter gweelt woore.

Ständige Paartner vum Bachchoor isch s Fryburger Bachorchschter, wu us Mitgliider vu Beruefsorcheschter un freie Musiker bstoot. Dr Bachchoor het scho frie mit renommierte Solischte zämegschafft, unter anderem mit em Karl Erb, dr Agnes Giebel, em Fritz Wunderlich, em Dietrich Fischer-Dieskau un dr Hildegard Behrens. Scho in dr 1950er Joor het dr Choor bi dr Ansbacher Bachwuche gaschtiert, in dr 1960er un 1970er Joor het dr Choor reegelmääßgi s Musikfestival im italienische Stresa ufgmacht, Kunzäärtraise händ dr Choor uf Paris, Wien, Venedig un Berlin, uf Grooßbritannie, in d Ukraine un uf Japan gfiert

Dr Broobesaal (Theodor-Egel-Saal) un d Biro vum Fryburger Bachchoor sin im Huus vu dr Musik bim Schloss Ebnet.

Choorlaiter[ändere | Quälltäxt bearbeite]

  • 1943–1983: Theodor Egel
  • 1983–2015: Hans Michael Beuerle
  • 2015–2016: Wolfgang Schäfer
  • syt 2016: Hannes Reich

Weblink[ändere | Quälltäxt bearbeite]