Fraunhofer-Informazionszäntrum Ruum un Böu

Fraunhofer-Informationszentrum; Raum und Bau (IRB)
Kategori:	Forschigsyyrichtig
Träger:	Fraunhofer-Gsellschaft
Rechtsform vom Träger:	Yydraite Verain
Sitz vom Träger:	München
Standort vo dr Iirichtig:	Stuegert
Art vo dr Forschig:	Aagwändti Forschig
Fächer:	Informazion, Dokumäntazion, Architäktur, Ingenieurwisseschafte, Böuwirtschaft
Grundfinanzierig:	Bund (90 %), Länder (10 %)
Leitig:	Thomas H. Morszeck
Mitarbeiter:	ca. 100
Homepage:	www.irb.fraunhofer.de

S Fraunhofer-Informazionszäntrum Ruum un Böu (dt. Fraunhofer-Informationszentrum Raum und Bau, churz Fraunhofer IRB) mit Sitz z Stuegert isch e Yyrichtig vu dr Fraunhofer-Gsellschaft. S erschließt Informazione zue dr Fachbiet Architäktur, Böuingenieurwäse, Bäublanig, Böurächt, Böuwirtschaft, Ruumornig, Stedteböu un Wohnigswäse. Zum Zäntrum ghert dr Fraunhofer IRB Verlag, wu Publikazione us dr Beraich Böue im Bstand, Böutächnik, Böusanierig, Böuphysik, Böuforschig un au Stadt- un Ruumblanig vereffetligt. S Fraunhofer IRB verschafft au indiwiduälli Aafroge zum Blane un Böue un fiert Ufdragsreschersche oder Määrtstudie duure.

Datebanke

Datebanke, wu s Fraunhofer IRB produziert, bflägt un verdrbyt un ghosteti Datebanke vu Partnerinschtituzione sin unter anderem:

SCHADIS® – Datebank zue Böuschäde
BZP® – Böuufsichtligi Zuelossige un Briefzyygnis
RSWB®plus – dytsch- un änglischsprochigi Literaturhiiwys-Datebank
ICONDA®CIBlibrary – internationale Volltext-Datenbank
ICONDA®Bibliographic – internationale Literaturhinweis-Datenbank
BAUFO® – Bauforschungsprojekte in der Bundesrepublik Deutschland seit 1957
Handwerksbetriebe für die Denkmalpflege – Experten-Datenbank

Fraunhofer-intärni Laischtige

Im Fraunhofer Verlag publiziere uusschließli Inschtitut un Autor*ne vu dr Fraunhofer-Gsellschaft. S Verlagsbrogramm umfasst in dr Hauotsach Vereffetlichunge, Studie, Dagigsbänd un Dissertazione us dr Forschig. Publikazione un Batänt, wu im Rame vu dr Forschigsarbet bis Fraunhofer entstehn, cha mer in dr bibliografische Datebank Fraunhofer-Publica finden Si wird im Fraunhofer IRB broduziert un bflägt.

Wisseschaftler*ne un Autor*ne bi Fraunhofer kriege Unterstitzig un Support dur s Fraunhofer-Online-Team in allne Froge vum Publiziere. Dr Volltäxtserver Fraunhofer-ePrints stellt elektronischi Vereffetlichunge z Verfiegig.

D Fraunhofer-Gsellschaft het si mit dr Unterzaichnig vu dr Berliner Erklärung verbflichtet, publizierti Forschigsergebnis im Internet frei zuegängli z mache. Wäge däm wird e Publikazion im Fraunhofer-Verlag parallel zue dr druckte Version as Fraunhofer-ePrint in s Open-Access-Repository vu dr Fraunhofer-Gsellschaft yygstellt. Dur die hybrid Vereffetlichungswys git s e greßeri Rezepzion vu dr Forschigsergebnis.

Gschicht

Anne 1941 isch di Böutächnisch Uuschumftstellt grindet wore. Dr Iniziator isch dr Otto Graf gsii, dr Diräkter vum Inschtitut fir Materialbriefig vum Böuwäse an dr Tächnische Hochschuel Stuegert. Anne 1960 het d Fraunhofer-Gsellschaft d Zueständigkait ibernuu un het si in Dokumentationsstelle für Bautechnik in der Fraunhofer-Gesellschaft umgnännt. 1977 sin d Fachberaich Ruumornig, Stedteböu, Wohnigswäse nei ufgnuu wore go d Ufgab vum Wissestransfer fir alli Beraich vum Blane un Böue uf aire Stell kunzäntriere. Im Rame vum Informazions- un Dokumäntazionsbrogramm vu dr Bundesregierig 1974–1977 sin di verstraite Dokumäntazionsaktivitete vu allne Wissesberaich bindlet un nei strukturiert wore. In däm Zämehang sin d Dokumäntazionsstell vum Inschtitut fir Wohnigs- un Blanigswäse vum Dytsche Verband fir Wohnigswäse, Stedteböu un Ruumornig z Köln un d Dokumäntazionsstell fir Böutächnik vu dr Fraunhofer-Gsellschaft z Stuegert zum Informationsverbundzentrum Raum und Bau (IRB) der Fraunhofer-Gesellschaft z Stuegert zämegfiert wore. Mer het mit em Ufböu vu dr erschte bibliografische Datebank (RSWB) aagfange. Ab 1980 sin d Datebanke vum Fraunhofer IRB iber dr Rächner vum Fachinformazionszäntrum Energy, Physik, Mathematik (hit Fachinformationszentrum Karlsruhe) zur Online-Nutzig aabote wore.

Anne 1982 isch e Böufachverlag grindet wore as Abdailig vum Fraunhofer IRB, dr Fraunhofer IRB Verlag. Zyl isch e verbessereti Versorgig vu dr Zylgruppe mit druckte Medie gsii, wie Fachbiecher un Forschigsbericht. 2001 isch e Internetportal ufgmacht wore go alli relewante Informazione us em Böusäkter an aim Punkt bindle. Aafangs drännt no Biecher un Datebanke, duet www.baufachinformation.de in dr Zwischezyt unterschidligi Fachinformazione zum Blane un Böue veraine, wu us dr verschidene Datebanke vum Fraunhofer IRB un vu e Hufe extärne Input-Partner stamme. Dodermit cha mer do choschtelosi un au choschtebflichtigi Informazione finde, doderzue ghere Fachbiecher vu allne Böufachverlag, Zytschrifte un elektronischi Medie.

S Portal vum Fraunhofer IRB stellt d IRB-Datebanke fir d Online-Nutzig z Verfiegig, s wäre aber au Datebanke vu andere Aabieter in s Portal ufgnuu. Ab 2003 sin versterkt strategischi Kooperzione mit wichtige Verbänd un Fachinschtituzione vum Blane un Böue yygange. Die mache uf aire Syte fir spezifischi Zylgruppe dr Zuegang zue dr Informazionsprodukt un Dienschtlaischtige vum Fraunhofer IRB lychter un lifere uf dr andre Syte Informazione us ire Fach- un Zueständigkaitsberaich.

Anne 2004 het mer fir s Inschtitut e Strategyblanig gmacht mit eme Blanigshorizont bis 2009. Där soll di zuechimftig Uusrichtig vu dr Gschäftsfälder un d Chärnkumpetänz vum Inschtitut dokumäntiere. All Johr wird die Blanig duregschafft zum si kuntinuierli aabasse an intärni un extärni Entwicklige. 2009 isch noch e neie Strategyblan fir d Johr 2009–2014 uusgschafft wore.

S git e Kooperazion mit dr Hochschuel fir Tächnik Stuegert, u. a. mit em Zyl, dr Studänte*ne in allne Fächer vum Böuwäse Zuegang zue dr Fachmedie un Informazionskumpetänz z vermittle.

Anne 2009 isch dr Fraunhofer Verlag grindet wore, go d Forschigslaischtige sterker in d Effetligkait bringe. Do wäre Biecher un Broschire din vereffetligt, wu us dr Arbet vu dr Fraunhofer-Inschtitut un dr Kooperazionspartner entstande sin. Doderby sin fascht alli Fachbiet vu dr Fraunhofer-Gsellschaft verdrätte.

Kooperazione

Mit wichtige Verbänd un Fachinschtituzione vum Blane un Böue wäre strategischi Kooperazione yygange. Die mache uf aire Syte fir spezifischi Zylgruppe dr Zuegang zue dr Informazionsprodukt un Dienschtlaischtige vum Fraunhofer IRB lychter un lifere uf dr andre Syte Informazione us ire Fach- un Zueständigkaitsberaich. Dur sy Mitglidschaft in dr Fraunhofer-Allianz Bau drait s Fraunhofer IRB zum Transfer vu Forschigsergebnis in d Facheffetligkait by. Yybunde in d Forschigsiniziative Zukunft Bau vum Bundesminischterium fir Verchehr, Böu- un Stadtentwicklig, schafft s Fraunhofer IRB all Ritt an aktuälle Forschigstheme.

Infrastruktur

Am Inschtitut schaffe rund 100 Lyt. Mer cha im Fraunhofer IRB e Lehr zum/zur Fachaagstellte fir Medie- un Informazionsdienscht, Fachrichtig Informazion un Dokumäntazion, mache.

Weblink

48.741899.09919Koordinate: 48° 44′ 30,8″ N, 9° 5′ 57,1″ O

Dä Artikel basiert uff ere fräie Übersetzig vu dere Version vum Artikel „Fraunhofer-Informationszentrum_Raum_und_Bau“ vu de dütsche Wikipedia. E Liste vu de Autore un Versione isch do z finde.