Frank Huttelmeier

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Friburgerisch (eltere Stadtdialekt)

De Frank Huttelmeier (* 7. Jänner 1943 z Friburg) isch e ditscher Dialektautor.

Lewe[ändere | Quälltäxt bearbeite]

De Huttelmeier isch z Friburg ufgwachse. Er het langi Johr as Laitende Aagstellte bi de Friburg Energi- un Wasserversorgigs-AG (FEW) gschafft. Sit er in Rente isch, lebt er mit sire ditsch-franzesische Frau Regina Huttelmeier-Ciccione di meischt Zit im Johr im sidfranzesische Tourves.

Aagfange mit Alemannisch schriiwe het er in de 1980er Johr. In de Firmezittig vu de FEW het si unter em Name „FEW-Bruddli“ mit de Zueständ im Bedrib ussenandergsetzt: „In der Mundart lassen sich knallharte Dinge sagen und sie klingen trotzdem verbindlich.“[1]

Anne 2010 het er bim Mundartwettbewerb, wu d Muettersproch-Gsellschaft, di Badisch Zytig un de SWR mitenander veraastaltet hän, mit de Verzellgi „D Steuersünder“ de 1. Priis in de Kategori Prosa gwunne. Im nämlige Johr het er e Uuswahl vu Anekdote un autobiografische Verzellige unter em Titel „Mir Alemanne“ im Friburger Lavori-Verlag uusegee. Er schribt zum Deil au uf Markgreflerisch un orientiert si do an de lange Tradition vu de Markgrefler Dialektliteratur. Zum Dialekt in sim erschte Buech „Mir Alemanne“ het er emol gsait: „Sprachlich habe ich mich an dem orientiert, was rheinaufwärts von Freiburg gesprochen wird. Man kann ja einen Schwarzwälder Bauern nicht Freiburgerisch schwätzen lassen, das glaubt einem ja niemand.“[2] Newe sine Gedicht, Witz un Schnurre uf Alemannisch schribt er au uf Hochditsch. Im Johr 2015 het er e zwait Biechli mit Gschichte unter em Titel „Ich wander us“ vereffentligt.

E mänkmol dritt de Huttelmeier zäme mit em Hans-Peter Burget uf, wu eigene Lieder im Markgräfler Dialekt vordrait.

Schrifte[ändere | Quälltäxt bearbeite]

  • Mir Alemanne. Gschichte us’m Ländle. Lavori Verlag, Freiburg 2010
  • Ich wander us. Lavori Verlag, Freiburg, 2015

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. zitiert in Küper 2010
  2. zitiert in Küper 2010