Francesco Cossiga

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Francesco Cossiga

Dr Francesco Cossiga (* 26. Juli 1928 z Sassari, Sardinie (Italie); † 17. Augschte 2010 z Rom) isch e italiänische Bolitiker vu dr ehmolige Democrazia Cristiana (DC) gsii. Är isch Minischterbresidänt vu 1979 bis 1980 un Staatsbresidänt vu 1985 bis 1992 gsii.

Läben un Beruef[ändere | Quälltäxt bearbeite]

Dr Cossiga isch ab 1959 Staatssekretär im Verdaidigungsminischterium gsii. Anne 1974 isch er Minischter ohni Gschäftsberych wore, derno 1975 un vu 1976 bis 1978 Inneminischter. Noch em Mord am Aldo Moro isch er zruggdrätte.

Im Augschte 1979 isch dr Cossiga Minischterbresidänt vun ere Ibergangsregierig us DC, PLI, PSD) un Barteilose wore. Im April 1980 het er e Regierig us DC, PSI un PRI bildet. Noch ere Abstimmigsniderlag isch d Regierig im Septämber 1980 zruggdrätte.

Anne 1983 isch dr Cossiga zum Bresidänt vum Senat gwehlt wore un am 24. Juni 1985 schließli as Noofolger vum Alessandro Pertini zum Bresidänt vu dr Republik. Är isch am 28. Mai 1992 zruggdrätte, sy Noofolger isch dr Chrischtdemokrat Oscar Luigi Scalfaro wore.

Weblink[ändere | Quälltäxt bearbeite]

 Commons: Francesco Cossiga – Sammlig vo Multimediadateie