Françoise Schaffner

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Unter-Elsassisch

De Françoise Schaffner (geboreni Ehrmann; * 14. November 1946 ze Winge ém Elsass; † 23. Mai 2010 ze Strosburi[1] (64 Johr)) ésch e elsassischi Kültür- un Sproocherachts- un lokàl Europaaktivischte gsin. Se ésch gérante de maison d’édition gsin, mét Beruf, àlso Vrlaasvrwàltere, vun de S.A.L.D.E., de Vrlaa vun Culture et Bilinguisme, wi se öi zsàmme mét'm François Schaffner, 'rem Mànn, un àndri begrindet het.

Én dr Association Schickele-Kreis, spotr René Schickele-Gsellschaft - Culture et Bilinguisme d’Alsace et de Moselle het se sich viili Johr làng stàrik engagiirt, bsundrs noochdäm dr Fred Urban àls Gschäftsfihrer zuem OLCA (ze där Zit noch ORBI – Office régional pour le bilinguisme) gànge un dr François Schaffner President wore-n-ésch. Wil se comptable glert het, het se làng de Buechhàltung vum Vraan gmàcht un fr dr Vorstànd àn de Generàlvrsàmmlunge dr Finànzbericht vorgetràje.

Àls dr President Chirac un dr Bundeskànzler Schröder 's Projekt vun Eurodistrikte fr Strosburi un de Ortenöi un de gànz Granzregion àngeregt hàn, het se sich öi én derer Sàch, zmeischt ém Duo mét 'rem Mànn, vun Burjrsite engagiirt. Ze der Zit het mer öi bi de aktivi Burjr un én de Medie uem Strosburi efters vun „François un Françoise“ gheert.

2008 het se noch àls eini vun de Candidats indépendants uff de Lischt vum Roland Ries vum PS (de Sozialischte) àn de Municipales kàndidiirt[2] - uff'm Plàtz 48, wii noch én de Stàdtrot gewählt wore-n-ésch. Ze där Zit ésch se àwwr àn Krebs 'rkrànkt. Nooch zwei Johr het se dr Kàmpf geje de Krànkheit vrlore.

Quelle[ändere | Quälltäxt bearbeite]

  1. Avis de décès
  2. Àrtikel DNA: Lischt PS Munizipalwàhle 2008

Weblink[ändere | Quälltäxt bearbeite]