Fränk Schleck

Fränk Schleck
	Dr Fränk Schleck (linggs) mit eme junge Fan
Personedate
Geburtsdatum	15. April 1980
Nation	Luxeburg
Disziplin	Stross
Team
Aktuells Team	Team Saxo Bank
Funktion	Fahrer
Internationali Team
2003–2008; 2008; 2009-2010; seit 2011	Team CSC; Team CSC-Saxo Bank; Team Saxo Bank; Team Leopard-Trek
Wichtigsti Erfolg
	2006 - Siiger vom Amstel Gold Race; 2006 - Siiger vo der Etappe vo der Tour de France 2006 uf L’Alpe d’Huez; 2008 - 6. Platz Im Gsamtklassemänt vo der Tour de France 2007; 2009 - Etappesiig und Erste im Gsamtklassemänt bi der Luxeburg-Rundfahrt; 2009 - ei Etappe und 5. Platz im Gsamtklassemänt bi de Tour de France 2009; 2010 - ei Etappe und Zweite im Gsamtklassemänt bi dr Luxeburg-Rundfahrt; 2010 - ei Etappe und Erste im Gsamtklassemänt bi dr Tour de Suisse
	Infobox zletzt aktualisiert: 20. Juni 2011

Dr Fränk Schleck (* 15. April 1980 z Luxeburg) isch e luxeburgische Profi-Strossevelorennfahrer. Dr Velorennfahrer Andy Schleck isch si Brueder.

Karriere

Im Schleck si Vater, dr Johny Schleck isch au Radprofi gsi, und dr Fränk het in de Jugendmannschafte afo fahre, wo vom Claude Conter trainiert worde si, und wo au si elter Brueder Steve und der spöter luxeburgisch Radprofi Kim Kirchen drzue ghört hai. Spöter isch er e baar Johr im Usland dätig gsi, z. B. bi De Nardi z Italie oder z Frankriich.

Die guete Kontakt vom Marcel Gilles hai s em möglig gmacht, ei Monet im Team CSC-Saxo Bank vom Bjarne Riis z fahre, und er het dank siine guete Leistige e Festastellig übercho. Si Brueder Andy fährt sit 2005 au für s Saxo Bank Team.

Am 16. April 2006 het dr Fränk s Amstel Gold Race.

E wiitere bedütende Erfolg het dr Schleck am 18. Juli 2006 gfiirt, won er d Königsetappe vo der Tour de France vo Gap uf L’Alpe d’Huez gwunne het. Eso isch er der erst luxeburgisch Velofahrer sit em Edy Schütz im Johr 1966 gsi, won e Etappe bi der Tour de France gwunne het.

Am 27. April 2008 isch er bi Lüttich–Bastogne–Lüttich im Final nume vom Alejandro Valverde und vom Davide Rebellin gschlage worde. Ei Platz hinter ihm isch si jünger Brueder Andy aachoo, wo d Entscheidig scho früehner gsuecht het und usgrissen isch. Wo s Füehrertrio dr Andy uf ere Kuppe überholt het, het dr Fränk si Brueder e chli agschobe.

Vom 20. Juli bis zum 23. Juli 2008 het dr Fränk Schleck s Gäle Liibli vom Füehrende in der Gsamtwärtig bi der Tour de France aghaa.

Dr Schleck het die 17.Etappe, die sogenannti "Königsetappe", vo der Tour de France 2009 gwunne, vor em Alberto Contador und siim Brueder Andy Schleck.

Dopingvorwürf

Die Süddeutsche Zeitung het in ihrer Usgob vom 27. September 2008 behauptet, ass dr Schleck enttarnt worde siig as Kund vom Arzt Eufemiano Fuentes, wo im Dopingskandal Fuentes dr Name gee het. Das siig bewiise dur en Überwiisig im März 2006 für e Fuentes. Wo d Zitig dr Schleck gfrogt het, het er gsait, ass er nit dopt haig. S Gäld, won er überwiise het, siig für e Trainingsprogramm bestimmt gsi. Dr Schleck het zuegee, ass er Kontakt zum Fuentes gha het, die haig si aber sofort abbroche, won er vo däm siine Verbindige zum Doping ghört haig. Ufgrund vo de Vorwürf het die luxeburgisch Anti-Doping-Agentur ALAD gegen e Schleck ermittelet, het s Verfahre aber iigstellt, wil s weder Bewiis gäb für Dopingversüech no für Doping wo duregfüehrt worde siig.^[1].

De Schleck isch uf de 13. Etappe vo de Tour de France 2012 positiv uf s Diuretikum Xipamid testet worde. Das het de Velosportweltverband UCI am Obe vom 17. Juli mitdäilt. Sii Team het en am gliche Dag vo de Tour zruckzoge.^[2]

Team

ab 2011: Team Leopard-Trek
2009-2010 Team Saxo Bank
2008 Team CSC-Saxo Bank
2003–2008 Team CSC
2002 Luxeburgischs Nationalteam

Erfolg

2014

Luxemburgische Meister – Strosserenne

2011

Luxemburgische Meister – Strosserenne
Gsamtwärtig und ei Etappe Critérium International

2010

ei Etappe und Gsamtzweite bi dr Tour de Luxembourg
3. Platz bi der Klasika Primavera
ei Etappe und Gsamtwärtig bi dr Tour de Suisse

2009

ei Etappe und 5. Platz Gsamtwärtig bi dr Tour de France
1. Platz bi dr achte Etappe bi der Tour of California
2. Platz vo dr Gsamtwärtig vo Paris–Nizza
ei Etappe und Gsamtwärtig bi dr Luxemburg-Rundfahrt

2008

1. Platz Strossemeisterschaft
2. Platz bim Amstel Gold Race
3. Platz bi Lüttich–Bastogne–Lüttich
6. Platz bi der Tour de France
1. Platz bi dr erste Etappe vo der Pole-Rundfahrt (Mannschaftsziitfahre)

2007

1. Platz bim Giro dell’Emilia
2. Platz bi der Coppa Sabatini
4. Platz bi der WM z Stuttgart
1. Platz bi dr dritte Etappe bi der Tour de Suisse vo Nauders (A)–Malbun (FL)
3. Platz bi Lüttich–Bastogne–Lüttich
3. Platz bi der luxeburgische Strossemeisterschaft
7. Platz bi der Flèche Wallonne
10. Platz bim Amstel Gold Race
8. Platz im Gsamtklassemänt vo Paris–Nizza
8. Platz des Gsamtklassemänt bi der Vuelta al País Vasco
17. Platz bi der Tour de France

2006

3. Platz bi der UCI ProTour
10. Platz bi der Tour de France
Erste in der 15. Etappe vo der Tour de France vo Gap uf L’Alpe d’Huez
2. Platz bi der luxeburgische Strossemeisterschaft
7. Platz bim Lüttich–Bastogne–Lüttich
4. Platz bi der Flèche Wallonne
Erste bim Amstel Gold Race
5. Platz vom Gsamtklassemänt vo Paris–Nizza

2005

Luxeburger Strossemeister
2., 4. und 8. Platz in Etappe in der Tour de Suisse
4. Platz vom Gsamtklassemänt vo der Tour de Suisse
2. Platz bi der Meisterschaft vo Züri
3. Platz bim Giro di Lombardia]
7. Platz vom Gsamtklassemänt bi Paris–Nizza

2004

3. Platz vo der 7. Etappe in der Tour de Suisse
9. Platz vom Gsamtklassemänt bi Paris–Nizza
10. Platz bi der Strosseweltmeisterschaft
16. Platz bi de Olympische Spiil

2002

4. Platz bim GP Schwarzwald (Bad Krozinge - Fäldbärg) in der Kategorii U 23

Uszeichnige

Am 15. Dezember 2006 isch dr Fränk Schleck zum beste männlige Sportler 2006 z Luxeburg uszeichnet worde. Er het 146 Stimme Vorsprung uf dr Zweitplatziert David Fiegen, dr 800 Meter Silbermedaillegwünner bi dr Europameisterschaft 2006.

Lingg

Fränk Schleck in der Datebank vo Radsportseiten.net
Homepage vo de Brüeder Schleck

Nowiis

↑ Archivierte Kopie. Archiviert vom Original am 1. Januar 2011; abgruefen am 20. Juni 2010. .
↑ http://www.spiegel.de/sport/sonst/tour-de-france-radprofi-frank-schleck-positiv-getestet-a-844998.html

Dä Artikel basiert uff ere fräie Übersetzig vu dere Version vum Artikel „Fränk_Schleck“ vu de dütsche Wikipedia. E Liste vu de Autore un Versione isch do z finde.

[1] Archivierte Kopie. Archiviert vom Original am 1. Januar 2011; abgruefen am 20. Juni 2010. .

[2] ttp://www.spiegel.de/sport/sonst/tour-de-france-radprofi-frank-schleck-positiv-getestet-a-844998.html

[1]

[2]