Union Cycliste Internationale
D Union Cycliste Internationale (abkürzt UCI) isch der internationali Velosport-Dachverband. D UCI isch e Nit-Regierigsorganisation, wo die nationale Velosportverbänd repräsentiert. Der Sitz vo der UCI befindet sich z Aigle in der Schwiiz. Mitgliider in der UCI si zur Zit (2010) über 170 nationali und 5 kontinentali Verbänd.[1] Usserdäm duet si öbbe 1'500 professionelli und öbbe 600'000 lizenzierti Rennfahrer verdrätte.
D UCI het bis 2005 der Velowältcup organisiert und d UCI-Wältrangliste ufgstellt. Dr Cup isch denn vo dr UCI ProTour abglöst worde. Sit 2009 si die wichdigste Velorenne Deil vom UCI World Calendar, und noch dene ihre Resultat stellt d UCI Liste uf in der Einzel-, in der Mannschafts- und in der Nationewärtig, s UCI World Ranking. 2011 isch d Rennserii in UCI World Tour umbenennt worde und die 27 wichdigste Renne uf dr Wält si Deil drvo.
Fuessnote
[ändere | Quälltäxt bearbeite]- ↑ Union Cycliste Internationale: General Organisation Archivlink (Memento vom 23. Juni 2011 im Internet Archive)