Fräkmündt
 uf de Alp Lütholdsmatt oberhaub vo Alpnach (2010) uf de Alp Lütholdsmatt oberhaub vo Alpnach (2010) | ||
| Allgmeini Informatione | ||
| Genre | Folk | |
|---|---|---|
| Gründig | 2010 | |
| Website | fraekmuendt.wordpress.com | |
| Gründungsmitglider | ||
Akkordeon, Komposition |
Käthi | |
Gitarre, Bass, Perkussion, Arrangement |
Chregu | |
Gsang, Teggscht, Konzäpt |
Res | |
| Aktuelli Bsetzig | ||
Akkordeon, Komposition |
Käthi | |
Gitarre, Bass |
Guschti | |
Gsang, Teggscht, Konzäpt |
Res | |
Träilyre, Flöte, Bass, Gesang, Arrangement |
Anna «Anneli» Murphy (seit 2010) | |
Schlagzüg |
Hagu Hans | |
Trychle |
Schälle Ursula | |
| {Vorlage:ExtrasTitel | ||
Schlagzüg (ofem Album Heiwehland) |
Merlin Sutter | |
Gsang (För s'Lied Ha an em Ort es Blüemli geseh ofem Album Heiwehland) |
Chrigel Glanzmann | |
Fräkmündt esch äs Folk-Musigprojekt os de Ennerschwiiz. Ere Musigstil bezeichnids säuber aus «Ur-Folk». Si möchid Lieder öber auti Legändä ond re-interpretierid auti Lieder os de Region. Deby flüssid Elemänt vo Schwiizer Volksmusik ond traditioneller Musig os andere Regione grad so met y, wie anderi Musigstile. Alli Teggscht wärdid em hochalemannische Dialäkt gsonge.
Name[ändere | Quälltäxt bearbeite]
Fräkmündt esch de auti Name vom Pilatus, amene myschteriöse Bärg be Lozärn. De Name geds ou i de Forme Fräkmünt, Fräkmünd und Fräkmont. Zom Byspil heisst Fräkmüntegg de nordöstlechi Uuslöifer vom Pilatus.
Gschecht[ändere | Quälltäxt bearbeite]
Fräkmündt esch 2009 vom Käthi, em Chregu ond em Res gröndet worde. 2010 esch d'Demo-Kassette «Losid vo Bärge ond Tal» ond spöter s'erscht Aubom «Urbärglieder» usecho. Em glyche Johr esch s'Anneli (Anna Murphy) Metgled be de Groppe worde.
Metem Lied D'Draachejongfer hend Fräkmündt a de Voruusscheidig för de schwiizer Bytrag zom Eurovision Song Contest 2011 teilgnoh, hends aber ned bes es Finale gschafft. Chorz drofabe esch d'Konzept-EP Uufwärts e d'Föuse, bärgwärts e d'Rueh usecho. De Guschti esch feschts Metgled worde, nochdämm är scho vorhär be Uufnahme metgwerkt hed. Ändi 2011 esch s'zwöite Aubom «Heiwehland» usechoo, wo sech öber wyti Teil metem Thema Heiweh osenandsetzt. De Merlin Sutter (Eluveitie) het s'Schlagzüüg ond de Chrigel Glanzmann (Eluveitie) ond d'Operesängeri Christiane Boesiger hend Gascht-Gsang för s'Aubom uufgnoh.
Em 2012i esch de Chregu be Fräkmündt uusgstege. De Hagu Hans (Schlagzüüg) ond d'Schälle Ursula (Trychle) send em 2013i nöi dezue cho. Em glyche Johr hend Fräkmündt eres Label zo Auerbach Tonträger, emene Onderlabel vo Prophecy Productions gwächslet. Det wärdid 2014 s'nöie Albom «Landlieder & Frömdländler» ond au eri vorhärige Albe met nöier Ufmachig ond Bonuslieder veröffentlecht.
Discografii[ändere | Quälltäxt bearbeite]
- 2010: Losid vo Bärge ond Tal (säuber)
- 2010: Urbärglieder (Steinklang/Percht, wederveröffentlecht 2014 of Auerbach/Prophecy)
- 2010: Uufwärts e d'Föuse, bärgwärts e d'Rueh (Steinklang/Percht, wederveröffentlecht 2014 of Auerbach/Prophecy)
- 2011: Heiwehland (Steinklang/Percht, wederveröffentlecht 2014 of Auerbach/Prophecy)
- 2014 Landlieder & Frömdländler (Auerbach/Prophecy)
Byträg för Compilations[ändere | Quälltäxt bearbeite]
- 2011: Mit fester Hand - Allerseelenlieder (Steinklang/Ahnstern, metem Lied Firnföuskamerad)
- 2010: Oak Folk (Steinklang/Ahnstern, metem Lied Eiche, Tüüfu, Geissebueb)