Fournet-Blancheroche

Us der alemannische Wikipedia, der freie Dialäkt-Enzyklopedy
Fournet-Blancheroche
Verwàltung
Land Frànkrich
Region Bourgogne-Franche-Comté
DépartementDoubs (25)
ArrondissementMontbéliard
KàntonMaîche
KommünàlverbàndPays de Maîche
Àmtliga NàmaFournet-Blancheroche
MairePierre-Jean Wycart (2014-2020)[1]
Code Insee25255
Poschtlaitzàhl25140
Iiwohner
Iiwohner350
Flech13,08 km2
Bevelkerungsdicht27,83 Iiw./km2
Làg
Koordinate47° 10′ 04″ N, 6° 49′ 34″ E / 47.167777777778°N,6.8261111111111°E / 47.167777777778; 6.8261111111111Koordinate: 47° 10′ 04″ N, 6° 49′ 34″ E / 47.167777777778°N,6.8261111111111°E / 47.167777777778; 6.8261111111111
Heche943 m
Fournet-Blancheroche hemen kokatua: Frànkrich
Fournet-Blancheroche
Fournet-Blancheroche
Fournet-Blancheroche (Frànkrich)

Fournet-Blancheroche isch e Gmeind im französische Departemänt Doubs.

Geografi[ändere | Quälltäxt bearbeite]

Si lyt im Chreis «Mömpelgart» und a der Landesgränze zu der Schwiiz wisawi vom Piet vo der nöieburgische Stadt La Chaux-de-Fonds. Das isch zmitzt im nördleche Bärgland vom Jura, und uf der Südsyte und im Oschte, a dr Schwiizer Gränze, chunt der Gmeindbann, wo 13 Kwadratkilometer gross isch, bis abe is gäche Tobel vom Doubs, wo dört dur de Stausee vo Biaufond flüsst; dä het’s ggää, wo s Société des Forces Motrices du Refrain anne 1909 uf em Platz am Fluss, wo früener en alti Müli und spööter en Saagi gstanden isch, d Staumuur Barrage du Refrain für nes Chraftwärch bout het.[2] Sid em Bou vo däm Wärch goot e schmali Strooss bi Le Refrain zum Fluss abe, und im 2010ni isch bi der Muur es nöis Maschinehuus anecho. Ussert am Fluss unde git’s keini Gwässer ufem Bode vo der Gmeind, wil s Wasser im vercharschtete Chalch versikeret; das gseht me guet a de vile Dolyne und de baar Wasserlöcher uf em höche Platoo bi de Dörfer obe.

D Gmeind het vil Waldgebiet. Im Kulturland sind d Dörfer und d Wyler Fournet, Blancheroche, Le Mont Pré, Philibert und Le Refrain. Vo Fournet uus goot e Strooss dr stotzig Bärg abe zu der Zollbrugg am Doubs und wyter uf Chaux-de-Fonds.

D Nochbergmeinde vo Fournet-Blancheroche sind Bonnétage, Frambouhans, Les Écorces und Charquemont im Französische und i dr Schwiiz Les Bois und La Chaux-de-Fonds.

Weblink[ändere | Quälltäxt bearbeite]

 Commons: Fournet-Blancheroche – Sammlig vo Multimediadateie

Fuessnoote[ändere | Quälltäxt bearbeite]

  1. Liste des maires au 25 avril 2014 (data.gouv.fr)
  2. Barrage du Refrain (Memento vom 6. März 2019 im Internet Archive) uf bourgognefranchecomte.fr