Findling vom Geissturm
De Findling vom Geissturm isch en grosse Schtei, wo z Züri am Oscht-Egge (Chilegass/Zwingliplatz) vom Theologische Seminar vo de Uni Züri z finden isch. Er isch öppe 1800 Kilogramm schwer.[1]
De Findling isch ursprünglich en Teil vo de Muur vom Geissturm gsi. De Geissturm, wo zu de Befeschtigungsaalag vo Züri ghört het, isch es Pulvermagazin vo de Schtadt gsi. I de Turm het am 10. Juni 1652 de Blitz iigschloh.[2] Wäg em Pulver isch de Turm explodiert und de Stei isch öppe 230 Meter wit gfloge, bis a die Schtell, wo men en hüt no cha aaluege.
Fuessnoote
[ändere | Quälltäxt bearbeite]- ↑ Zeugen von gestern, Visionen von heute (Memento vom 28. Augschte 2019 im Internet Archive) Artikel vom 5. Juli 2005 uf news.uzh.ch
- ↑ Der ehemalige Geissturm (Memento vom 28. Augschte 2019 im Internet Archive) uf alt-zueri.ch
Koordinate: 47° 22′ 12,5″ N, 8° 32′ 41,2″ O; CH1903: 683547 / 247177