S Baasler Füürschützehuus

S Füürschützehuus isch e historischs Geböid an dr Schützemattstrooss 56 in dr Stadt Baasel. Es isch für sini gmoolte Glaasfänster bekannt und stoot uf dr Liste vo de Kulturgüeter im Kanton Basel-Stadt, wo nazionali Bedütig häi.

Gschicht

D Baasler Zümft, wo sit em spoote Middelalter bis in d Nöizit für d Verdäidigung vo dr Stadt verantwortlig gsi si, häi 1466 d Gsellschaft vo de Füürschütze gründet, zum d Schiesskunst vo iire Mitgliider z verbessere. 1498 häi s bim Döichelweijer dusse vor em Spaaledoor e Schiessblatz überchoo. Zwüsche 1561 und 1564 isch denn s Schützehuus baut worde, wo d Schütze häi chönne go ässe. D Gsellschaft het uf dr Schützematte vor em Huus güebt, bis dass dr Schiessblatz 1899 an dr Allschwiiler Weijer verläit worde isch.

1915 het d Firma Widmer, Erlacher & Calini s Geböid renowiert.^[1]

S Schützehuus isch sit 1845 e Wirtshuus, und wird immer no vo dr Gsellschaft vo de Füürschütze pflägt.

Fuessnoote

↑ «Der Umbau des alten Schützenhauses in Basel: von Widmer, Erlacher & Calini, Arch. in Basel» in Schweizerische Bauzeitung, Band (Jahr): 71/72 (1918)

Lueg au

D Gsellschaft vo de Füürschütze

47.5536067.577505Koordinate: 47° 33′ 13″ N, 7° 34′ 39″ O; CH1903: 610454 / 266997

[1] «Der Umbau des alten Schützenhauses in Basel: von Widmer, Erlacher & Calini, Arch. in Basel» in Schweizerische Bauzeitung, Band (Jahr): 71/72 (1918)

[1]